فتاة تتهم عبدالله رشدي باغتصابها والتعدي عليها
اتهمت فتاة تدعي جيهان، الشيخ عبد الله رشدي بالتعدي عليها والزواج منها زواج متعة ثم غدر بها، على حد قولها، كاشفه تفاصيل الواقعة وتواصلها مع زوجته.
وسردت الفتاة الرواية قائلة،”انا جيهان، أنا ضحية من ضمن ضحايا الشيخ عبدالله رشدي، سيدة عربية وحاليا مستقرة في دولة اوربية وزيي زي البعض منكم كنت من ضمن محبين ومتابعين الشيخ عبدالله رشدي من فترة كبيرة دخلت كلمته في استشارة دينيه بخصوص ناس مقربين ليا ورد عليا عادي وبعدها تابع معايا لحد ما الموضوع خلص وكملنا مع بعض كمعارف عادية”.
حقيقة اتهام عبدالله رشدي بالتعدي علي فتاة
وتابعت ،”بدأت أعجب بيه وطلب مني اني اقابله في مصر عشان نتعرف أكثر واتفقنا انو لو تم التوافق هنتجوز بشكل رسمي اتفقنا نعمل عقد شرعي عشان بس لو تواجدنا مع بعض أو سلمنا علي بعض أو اتكلمنا في حاجه خصوصية وكل التفاصيل دي تبقي حلال بس شرطت انه مايتعرضليش ولا يلمسني وعاهدني انه مش هيلمسني”.
شاهد أيضاً← عاجل.. فيديو يوضح اللقطات الأولى لحريق كنيسة أبو
سيفين بإمبابة
وبعدها مشيت في اجراءات السفر ونزلت مصر واستقبلني في المطار كنت حاجزة شقه ومعاد اخلاء الشقه دي عارض اليوم الي نزلت فيه فكلم حد من أصحابه واخد منه مفاتيح الشقه اللي تخص صديقه في العبور عشان اقعد فيها ولما روحت هناك كلم حد من اصحابه جمعله شقه في العبور ولما روحت هناك قالي هقعد بس معاكي خمس دقايق نرتاح من المشوار.
انا بحكم اني عايشه في اوروبا والمجتمعات الغربية مفيهاش خوف في المواقف اللي زي ذي فقولت اكيد مش هيعمل حاجه في الخمس دقايق دول وهو راجل دين اكيد بيخاف ربنا.
شاهد أيضاً← لحظة وفاة محمد القحطاني الإعلامي السعودي في مصر
(فيديو)
واستطردت،”عمل هو الاتفاق بشكل شفوي بدون اي ورق واتصل باتنين شهود مشايخ دكاترة في جامعة الازهر دكتور أ.ا دكتور بجامعة الازهر ودكتور اخر اسمه أ. شهدوا علي الاتفاق بشكل شفوي بردو وانا أكدت عليه انو مينفعش يلمسني احنا عملناه فقط عشان الحرمانية على حسب كلامه وبعد ما تم العقد خالف العهد ده وىـْْعدي عليا بدون موافقتي وبعد محاولات كتير إهانة وهىـْْك عرض عرفت اخلص من تعديه عليا الي كان بكل عـنف وسادية”.
وقالت جيهان،”بعدها فضلنا علي تواصل من بعيد عشان ادْيته ليا وبعدها اعتذر وقال ان مكنش قصده يعمل كده ورضاني وصالحني وكان بيقابلني بعدها في مدينة نصر وفي مدينتي وفي الشارع، عشان ده ميحصلش تاني واخر يوم كان متغير معايا جدا وكان لطيف وقالي انه متمسك بيا واتفقنا اننا هنكمل في العلاقة عشان نفهم بعض أكثر ووصلنا لحل اننا هناخد وقت نتعرف فيه علي بعض أكتر ومشيت سافرت وسبت مصر وبعدها بكام يوم وبدون اي سبب قالي احنا لازم ننهي الموضوع ده باي شكل انا مش فاضيلك وبعدها قالي انتي من النهاردة انتي حره الي هو كده انتي طالق بس مقالش طالق”.
شاهد أيضاً← التفاصيل الكاملة لمقتل طالبة الزقازيق سلمى علي يد
زميلها بالطعن
وأوضحت،” تعبت نفسيا وصعبت عليا نفسي وبقت دماغي تفكر كتير طيب ليه عملت كل ده طالما مش عايزني ومعندكش وقت ليا لحد ما فكرت اشتكي لاهله عشان غدر بيا واستغفلني ودي بالنسباله كانت جوازة متعه وتواصلت مع اخواته وأول ما كلموه حلف علي المصحف انه ميعرفنيش”.
وأضافت جيهان: “بعدها تواصلت مع مراته من اكونتها الشخصي الي عليه اولادها وعيلته وفي كل التفاصيل دي هتلاقوها في فيديو الشاشه الي نزلته وبعد ما تواصلت مع مراته اكتشتف ان انا مش اول واحدة يحصل معاها كده وان انا مش اخر واحدة كمان وبعد مامشيت من مصر كان في واحده تاني غيري معاه كلمته اقوله انا عايزة حقي قالي اعملي الي انتي عايزاه”.
وخلاص ضاع حقي وضاع حق البنات الي بيتم التلاعب بيهم كل كام يوم الي هو بيقتل صوتهم وحقوقهم بشعبيته وشهرته ومنصبه وان محدش هيصدق كلامهم ولا كلامي.
شاهد أيضاً← “التفاصيل الكاملة” لوفاة الطفل أيوب
أيمن بسبب الإهمال الطبي
واختتمت قائلة،” ما ان هو فوق القانون ف انا سلمت امري لله وانا خصيمة عبدالله رشدي يوم القيامه ومش مسامحه في حقي ولا هسامح فيه لحد يوم الدين وعند الله تجتمع الخصوم ولو في حد مشكك في كلامي هقولك ده حقك وانا مش هجبر حد علي انه يصدقني بس تقدر تراجع الفيديوهات والفيديو الي خارج من صفحة مراته ام اولاده وبتاكد اني مش اول واحدة يحصل معاها كده وبعدها احكم وقبل ماتحكم اتاكد عشان دي اعراض ناس حقها هيضيع بسبب شهادتك ورائيك وعند الله تجتمع الخصوم.
الشيخ عبد الله رشدي يرد علي الواقعة
ليخرج الشيخ عبد الله رشدي عبر صفحته الرسمية علي فيسبوك قائلا:
أعلم أنهم يجتهدون..ويعملون بكَدٍّ ليسقِطوا رمزاً أقَضَّ مضاجِعَهم؛ لسنا بلُقمَةٍ سائغة، ولا تنالُ الضِّباعُ من طوافِها حول الأسودِ إلا الخيْبَة؛ الأسودُ لا تَصنَعُ ما يُضْعِفُها أمامَ الضِّباعِ.
فاهم يا ضَبْع منك له!؟
سيُحاسَبُ بالقانونِ كلُّ خائضٍ على خوضِه في التشهيرِ جرْياً وراءَ ادَّعاءاتٍ خيالِيَّةٍ دون سَنَدٍ.
ماضون بعونِ الله نحوَ المزيدِ من إيجاعِكم، وليس لنا إلى غير الله حاجة ولا مذهبُ.
في النهاية ليس هناك أي دليل قاطع علي حدوث هذه الواقعة وكل هذه التفاصيل ماهي إلا كلمات كتبت علي لسان هذه الفتاة التي تدعي جيهان، والحقيقة غير معروفة حتي الآن.
