recent
أحدث الأخبار

"التفاصيل الكاملة" لوفاة الطفل أيوب أيمن بسبب الاهمال الطبي

الصفحة الرئيسية

تفاصيل وفاة الطفل أيوب أيمن في مستشفي دار القلب والصدر في الاسكندرية 

والدة الطفل أيوب أيمن والذي لقي حتفه منذ أكثر من شهرين إثر تشخيص وتدخل جراحي خاطئ من احدي أطباء مستشفي دار القلب والصدر في الاسكندرية تروي لكم تفاصيل القصة كاملة:

"التفاصيل الكاملة" لمقتل الطفل أيوب أيمن في مستشفي دار القلب في الاسكندرية

أيوب أيمن عنده سنه ونص مكنش بيعاني من ايه حاجه خالص جاله دور برد خفيف جدا روحت لدكتور الاطفال بتاعه قالي دور برد واداله ادويه برد بعد كده كام يوم فضل بس كحه بسيطه اوي قولت اروح لدكتور صدر.

وبلفعل روحت لدكتور محترم اسمه اشرف جلال كشف علي أيوب وقالي هو كويس بس انا مش مبسوط من الهوا اللي بيدخل للرئه الشمال مش زي اليمين كان في حاجه سدا شويه سألني اذا كان شرق مني اوي حاجه قولتله لا خالص قالي طيب هنعمل اشاعه ونرجع لدكتور الاطفال بتاعه قولتله حاضر.

ودكتور اشرف ربنا يديله الصحه يشهد بكلامي مشيت من عنده ناس قالتلي نوديه لدكتور تاني يمكن الموضوع ابسط روحت لدكتور حسبي الله ونعم الوكيل فيه اسمه ن. ف والله العظيم ربنا شاهد عليا كشف علي ابني بسماعة كشف لايتعدي دقيقه قالي هنعمل منظار علي طول قولتله طيب ليه يادكتور مفيش حل غير منظار استكشافي هو ماله.

شاهد أيضاً← فيديوهات صادمة لسفينة القبطان المصري الغارقة في المحيط الهندي

قالي مدام انتي مش هتعرفيني شغلي الولد بالع حاجه وغالبا سوداني قولتله ابني عمره مابياكل سوداني ابدا سكت برضه قولتله انا اسفه يادكتور طيب بس هو كويس ادامي مفيهوش اي حاجه ابدا طيب نعمل اشاعه يمكن يطلع مفيش حاجه قالي مدام انتي مش هتعرفني شغلي قولتله حاضر وسكت خالص ولا طلب اي اشاعه ولا تحاليل ولا اي حاجه ابدا.

قالي هتاخدي الجواب ده حالا وتنزلي تحجزي المستشفي وتدفعي الفلوس هناك قولتله طيب مفيش غير المستشفي دي قالي اه الجهاز ده مش موجود غير عند (و.ع) بس فا انا هعملها عنده المستشفي اسمها دار القلب والصدر اسكندريه چناكليس.

شاهد أيضاً← فيديو | مصرع المذيعه شيماء جمال رمياً بالرصاص والتمثيل بجثتها

وفعلا نزلت من عند الدكتور انا واختي وابني روحت دفعت فلوس المنظار كامله اخدوا مبلغ لدكتور ن. ف ومبلغ لدكتور و. ع اللي هو معرفش ليه ومكنش قايل اي حاجه ان اللي اسمه (و.ع) منه لله هو كمان داخل العمليات كل اللي قاله ان المنظار عنده فقط المهم حجزت ومشيت وقالولي بكره الساعه ٩ الصبح العمليه.

ويومها اختي وانا بدفع الفلوس كان معاها ابني بره في العربيه مصوراه ڤيديو والولد زي الفل بيلعب مع القطه وبيتكلم ومفيهوش اي حاجه ابدا والڤيديو في النيابه وكله شافه.

"التفاصيل الكاملة" لمقتل الطفل أيوب أيمن في مستشفي دار القلب في الاسكندرية

روحت الصبح حبيبي دخل العمليات وانا سلمته للدكتور التالت المشارك في قتل ابني دكتور التخدير (ت.غ) نيمه ادامي بنج استنشاقي ونام حبيبي بوسته وطلعت بعدين قاعده ادام باب العمليات انا وباباه واهلي فضلت مستنيه ساعه وربع بعدها بدأت اقلق لان المنظار مش اكتر من 10 دقايق قعدت انادي حد من المقبره اللي ابدا متتسماش والله مستشفي محدش بيرد غير بعد معاناه.

قعدت اقولهم حد يطمني محدش بيرد برضه بعدين طلعتلي واحده من التمريض بعد ساعه ونص تقولي الولد حالته صعبه جدا ومش مستقره قولتلها ايه اللي انتي بتقوليه ده ناديلي دكتور المسؤل ادامي عن الحاله قالتلي كده بظبط عديمه القلب والرحمه قالتي انا غلطانه اصلا اني قولت اطمنك ومشت.

شاهد أيضاً← التفاصيل الكاملة لمقتل الصيدلي المصري أحمد حاتم على يد سيدة سعودية

بعدها بنص ساعه تانيه قعدت انادي بعدين دكتور (ن.ف) ناداني انا وباباه قالنا الولد حالته خطره ودقيقه قولتله حالة ايه وخطرة ايه ابني ماله مكنش في اي حاجه دخل وقفل الباب وسابونا جبنا دكتور من بره ودخل وشاف المهزله وقلت الضمير جوا ابني قتلوه بمعني الكلمه حتي ادويه الانقاز والاجهزه مكنتش موجوده في العمليه ايه اللي وصل انه يحصله كده وليه وهو مفيهوش حاجه.

دخلو المنظار اكتر من ٢٥ مره وانا واثقه من اللي بقوله لان ڤيديو العمليه موجود ابني فاق منهم واتوجع وهما ال ٣ بيقتلوا فيه كان حاسس بيهم مرحمهوش (ن.ف) ودكتور (و.ع) ودكتور (ت.غ) قتلوه ولحد اللحظه دي والله محد فهمني ايه اللي حصل لابني محدش منهم ال٣ طلع واتكلم وقالنا ايه اللي حصل.

هربوا ابني عشان مدخلش للدكاتره قعدت اقولهم دخلوني اشوفه وازعق محدش رد ولما اخويا ادخل وزعق عشان يدخلوني ضربوه هو واصحابه وعشان مشوفش الدكاتره هربوه في دولاب صفيح ادام عيني.

بس عمري ماكنت اتخيل ان في قزاره كده طلعوا بلدولاب من اوضه العمليات وبعدها لقيته طالع من اوضه تانيه خالص غير اوضه العمليات دي الاوضه اللي دخلوه فيها الدولاب وبعدين رموهولي مع سيكيورتي ورمهولي بمعني الكلمه في اوضه مش مشغلين لا مروحه ولا تكييف ولا في احترام لحد متوفي.

شاهد أيضاً← "فيديو".. تفاصيل صادمة في قصة مقتل الطفل صقر نايف المطيري في الكويت

سبولي ابني ساعتين علي رجلي شايلاه ومتوفي وكلنا في الاوضه بقينا نصرخ عشان يجيبوا مروحه او تكييف محدش كان بيعبرنا وبعد ساعتين وانا شايلاه حبيبي في ٣ اخرام في صدره وخرم في رقابته وباطنه وكله زرقان كل ده ليه ده مكنش بيعانيي من اي حاجه.

انت عرفت منين ان في حاجه جواه الولد كان زي الفل كل ده عشان الفلوس كنت خد الفلوس وسيبه وقولي ملقتش حاجه يا مدام بعدها النيابه بعتت عربية اسعاف عشان تنقله التلاجه عشان التشريح تاني يوم وتم التشريح وفي انتظار الطب الشرعي عشان يقرر.

برجو من كل الناس تدعم القضيه ويقفوا معايا عشان اقدر اجيب حق أيوب أيمن بقالي دلوقتي ٣٥ يوم في نار جوايا واللي عملوا كده عايشين حياتهم وبيمارسوا يومهم وهما عاملين كارثه والله العظيم كارثه ڤيديو العمليه صوت وصوره كفيل يوديهم في ٦٠ داهيه.

google-playkhamsatmostaqltradent