فيلم جروب الماميز هو فيلم كوميدي مصري من إخراج عمرو
صلاح وبطولة روبي ويسرا اللوزي ودارين حداد والفنان محمد
ثروت.
قصة فيلم جروب الماميز 2023
تدور أحداث فيلم جروب الماميز في إطار كوميدي اجتماعي، يجمع جروب للواتس أب
خاص بالمدرسة ثلاث أمهات من ثلاث طبقات اجتماعية مختلفة، حيث تعاني مريم
ونادية من علاقات سيئة مع أبنائهن، فتقرر هنا ملكة جمال مصر السابقة مساعدتهن
للتقريب بينهن وبين أبنائهن، وهي أم مرحة لطيفة لا تعرف الانضباط.
ﺇﺧﺮاﺝ: عمرو صلاح (مخرج)
ﺗﺄﻟﻴﻒ: إيهاب بليبل
(مؤلف)، غادة عبدالعال
(مؤلف).
طاقم العمل: روبي، يسرا اللوزي، دارين حداد، محمود حافظ، محمد ثروت، حازم إيهاب.
|
| بوستر فيلم جروب الماميز 2023 |
مراجعة فيلم جروب الماميز
فيلم “جروب الماميز” هو سابع فيلم مصري يتم عرضه فى موسم نصف السنة والفيلم
بيحكي عن 3 نماذج من الأمهات وبنتعرف على مشاكلهم وعيشتهم مع جوازهم وعيالهم
ولكن نتيجة المشاكل اللى بيواجهوها بيقرروا الأمهات يعملوا وقفة ويمشوا من
بيوتهم ومحدش يعرفلهم سكة وبنشوف ايه اللى هيحصل.
النصف الاول من الفيلم لغاية مرحلة ما قبل ترك الأمهات لبيوتهم يعتبر ما هو
إلا تمهيد للشخصيات والنماذج الثلاثة اللى قدمنا وشرح هما بيعملوا ايه
وبيقضوا يومهم ازاي وازاي هما اللى شايلين المسؤوليات واية مشكلة كل واحدة
فيهم ومختلفين حتى فى الطبقات الاجتماعية بس مش بدرجة كبيرة اوي يعنى، وبنعيش
معاهم ان كل دة بيتقابل ازاي من البيت اللى هما فيه.
وده تم تقديمة بعناية كبيرة وفيه قدر رائع سواء على الجانب الكوميدي اللى
الحقيقي يضحك وفيه جمل بنسمعها يوميا من الأمهات بيقولوها بينهم وبين بعضهم
وخصوصا ان الاجواء معاصرة، أو حتى على الجانب الدرامي من تماسك السيناريو
وكمان دراسة شخصية كل واحدة فيهم وابراز المشكلة فعلا.
شاهد أيضاً←
قصة ومراجعة فيلم “نبيل الجميل أخصائي تجميل” بطولة محمد هنيدي
ده غير كمان ان فيه أداء جيد جدا من روبي ويمكن بالنسبالي هي أفضل أداء فى
الفيلم لأن كمان هتحسوا مطلعة الشخصية بتلقائية جدا وأسلوب الكلام ورد فعلها
على الجمل عملاه بطريقة جيدة جدا، ووراها يسرا اللوزي اللى برضه عملت شخصية
تقريبا اغلب الأمهات بتعاني منه وعملت بشكل جيد جدا برضه، والمفاجأة محمد
ثروت ومحمود حافط كانوا جيدين، يمكن بس دارين حداد مش شايف ان ادائها كانت
انسب حد للشخصية.
وفعلا انا كنت مبسوط من الفيلم اوي لغاية ما جات الاستراحة وابتدينا نخش فى
فكرة الفيلم وحبكتة وهي هروب الأمهات اللى ابتدى بشكل رائع وقولت ان الفيلم
بيجمع ورقه وهيبتدي يعالج كل حاجة مهد ليها فى النصف الاول.
بس النصف الثاني اهدر كل شئ للأسف الفكرة ماتمش استغلالها تقريبا غير 40%
منها ويشكر انه حافظ على الجو العام الخفيف من أوله لاخره ، بس للأسف تم
اختصار المشاكل والحلول تقريبا فى أقل من 10 دقايق.
شاهد أيضاً← مراجعة
فيلم أنا لحبيبى 2023.. بطولة كريم فهمي وياسمين رئيس
نقد فيلم جروب الماميز
حصل سرعة وكروتة فى الأحداث، بقى فيه حاجات بتحصل بغرض الضحك مالهاش اي
تأثير فى قصتنا ، تقريبا حشرنا 4 اغاني لو اتشالوا من الأحداث ولا ليهم اي
تأثر وبالاضافة الفيلم حاول يقفل ومعرفش يلم ورقة فقام مديلنا رسايلة
المباشرة جدا جدا على لسان الشخصيات ومطرحتش بشكل ناضج.
وده مش معناه ان الفيلم وحش، لا الفيلم حلو ومسلي ولكن هو مكملش وعده للآخر
انه يبقى فيلم للامهات والتزم بالجو الكوميدي من اول لحظة لآخر لحظة لكن هو
مقدرش يبرز المشاكل او علاج المشاكل لاخرها واقدر على نفسه فرصة انه يبقى
فيلم مصري نسائي حقيقي كان ممكن يبقى متميز أكثر من كده.
شاهد أيضاً←
مراجعة فيلم أميرة
AMIRA الأردني وسبب منعه من
العرض
تقييم فيلم جروب الماميز
حتي الآن حصد تقييم فيلم جروب الماميز علي (7/10) بعد عرضه في دور السينما
المختلفة بإنتظار المزيد من الاراء قد يختلف التقييم بالزيادة أو
النقصان.
إعلان فيلم جروب الماميز بطولة روبي ويسرا اللوزي
