فيلم أنا لحبيبي هو فيلم مصري عرض عام 2023، بطولة
ياسمين رئيس
وكريم فهمي
ومحمد الشرنوبي، ومن تأليف محمود زهران وإخراج
هادي الباجوري.
قصة فيلم أنا لحبيبي 2023 كريم فهمي وياسمين رئيس
في إطار رومانسي، يتناول الفيلم حياة ليلى، التي تعيش قصة حب يقابلها رفض
والدتها، فتمر قصتها بمراحل الفرحة والكسرة، ولكن تواجه ليلى الصعوبات من أجل
استمرار هذه العلاقة.
الجدير بالذكر أن الفيلم كان يحمل اسم (جارة القمر)، وتم تغييره إلى اسم
(أنا لي حبيبي).
|
| بوستر فيلم أنا لحبيبي بطولة كريم فهمي وياسمين رئيس ومحمد الشرنوبي |
فيلم انا لحبيبي من إخراج:
هادي الباجوري، وتأليف: محمود زهران، مدير التصوير: مازن المتجول، مونتاج: باهر رشيد، موسيقى تصويرية:
هاني عادل، إنتاج:
السبكي للإنتاج السينمائي
(أحمد السبكي).
توزيع: إن ستارز، ﺇﺧﺮاﺝ: هادي الباجوري
(مخرج)، محمود زهران (مخرج
منفذ)، ﺗﺄﻟﻴﻒ: محمود زهران
(مؤلف).
شاهد أيضاً←
مراجعة فيلم جروب الماميز 2023.. بطولة روبي ويسرا اللوزي
مراجعة فيلم أنا لحبيبي 2023
فيلم أنا لحبيبى هو فيلم المصري رومانسي يعرض حالياً فى السينمات، وزي ما
احنا عارفين ان فين وفين لما بيتعمل النوعيه دي وبنروح نشوفها واخر فيلم
رومانسي مصري نزل وكان فيلم حلو “قمر 14” اللى برضه كان من تأليف محمود زهران
وإخراج هادي الباجوري.
النصف الاول من الفيلم كان جيد جدا وبالتحديد أول فصلين من الفيلم اللى
بنشوف منها اساس المشكلة وفيه طريقة سرد للقصة حلوة وتشبه شوية طريقة سرد
فيلم هيبتا وقمر ١٤ ، التصوير الرائع والجامد جدا من مازن المتجول اللى
بيخليك عاشق ومستمتع للالوان والمناظر الطبيعية والكدرات التحفة ، تمهيد
الشخصيات والحبكة وعلاقة الحب بين ابطالنا وبنعرف قصتهم وبدايتهم وصولا لقمة
علاقة الحب ما بينهم لغاية لما بنوصل للنصف الثاني من الفيلم.
والنصف الثاني من الفيلم كان نمطي واقدر اسميه قصة (علي ابن الجنايني وانجي
بنت الباشا) لما دخلنا فى القصة ديه مكررة ونمطية ولكن مقدرش اقول عليها انها
وحشة بس كانت متوقعة والصراحة مش افضل فترات الفيلم ، ويمكن ديه كمان الفترة
اللى فيها اغاني فيروز اختفت تماما.
ولكن تسلسل النهاية والنهاية الصراحة متوقعتهاش وانا بتفرج وخلت الفيلم يقفل
بشكل قوي بالإضافة انها على مستوى العاطفي أثرت فيا وانا خارج من السينما
وأعتقد دة كان هدف القصة من البداية للنهاية وطلعت فى الاخر فيلم رومانسي جيد
جدا.
التصوير والاخراج لهادي الباجوري انه يقدر يخرج المشاهد بشكل مختلف وبصماتة
موجودة فى التصوير والإضاءة والألوان التحفة ، اغاني فيروز والموسيقى
التصويرية رائعة، المونتاج كل دة قدر يعيشني فيلم رومانسي جيد جدا.
شاهد أيضاً←
مراجعة فيلم أميرة
AMIRA الأردني وسبب منعه من
العرض
بالإضافة لاداء التمثيلي الرائع من ياسمين رئيس وأعتقد دة اكتر عنصر فى
الفيلم ووراة على طول الكيمياء بين كريم فهمي وياسمين رئيس متميزين من الاول
للآخر وبتأدي واحد من أفضل ادوراها مقارنة بالفترة الأخيرة بالنسبالها ، وفيه
أدوار جيدة جدا زي محمد الشرنوبي وبيومي فؤاد وسوسن بدر واحمد حاتم رغم ان
كمساحة ليهم مش كبيرة.
واخر نقطة عجبني فيها الفيلم “كريم فهمي” اللى هو فى الفترة الحالية بيعيش
أفضل واحلى فتراتة الفنية سواء فى الدراما او السينما وكمان زي ما قولت كريم
كسبني بمسلسل أزمة منتصف العمر انه احب تمثيلة واشوفة بيطور وبيأدي شخصيات
معقدة وأعتقد دة تم اثباتة من اول يوم عرض للفيلم امبارح وحقق 700 الف جنية،
اتمنى من كريم فعلا يشتغل اكتر ويطور اكتر لان دة احسن احوالة وفى الفيلم دة
بيأدي أداء جيد جدا.
شاهد أيضاً←
قصة ومراجعة فيلم “نبيل الجميل أخصائي تجميل” بطولة محمد هنيدي
نقد فيلم انا لحبيبي كريم فهمي وياسمين رئيس
الخلاصة الفيلم حلو جدا ومناسب للمشاهدات العائلية ولعيد الحب وحقيقي عجبني
جدا رغم ان عند رأيي ان النصف الثاني مش افضل اوقات الفيلم ولكن فى كل
الاحوال يستحق المشاهدة جدا ودة تاني أفضل فيلم مصري فى السينمات بعد فيلم
شلبي.
تقييم فيلم انا لحبيبي
حتي الآن حصد تقييم فيلم أنا لحبيبي علي (8/10) بعد عرضه في دور السينما
المختلفة بإنتظار المزيد من الاراء قد يختلف التقييم بالزيادة أو
النقصان.
إعلان فيلم جروب الماميز بطولة كريم فهمي وياسمين رئيس
https://youtu.be/vIfx9dHgsAM
