مراجعة فيلم أميرة AMIRA الأردني
فيلم أميرة، هُو فيلم دراما أردني صدر سنة 2021 للمُخرج المصري محمد دياب.
أنتج الفيلم طاقم إنتاج مُشترك مُكون من محمد حفظي ومُنى عبد الوهاب ومعز مسعود ويوسف الطاهر ورولا ناصر.
تشارك في كتابة فيلم أميرة كلاً من الكاتب محمد دياب وخالد دياب، وشيرين دياب.
 |
| بوستر فيلم أميرة AMIRA الممنوع من العرض |
أبطال فيلم أميرة AMIRA
الفيلم من بطولة تارا عبود في دور أميرة، إلى جانب كُل من صبا مبارك وعلي سليمان في أدوار ثانوية، وتم ايقاف الفيلم بعد الاعتراضات التي وجهت له.
تم ايقاف الفيلم بعد الغضب الشعبي العربي لما اعتبروه إهانة للمقاومة الفلسطينية، وقامت دولة الأردن بسحب ترشيح فيلم أميرة للأوسكار.
قصة فيلم أميرة AMIRA
تدور أحداث فيلم أميرة حول أميرة، وهي مراهقة فلسطينية ولدت بعملية تلقيح مجهري بعد تهريب منيّ والدها نوار السجين في المعتقلات الإسرائيلية، لكن عندما تفشل محاولات إنجاب طفل آخر ويُكشف أن والدها نوار عقيم، تنقلب حياة أميرة رأساً على عقب وتجبرها الظروف على أن تخوض رحلة لمعرفة الحقيقة وراء هويتها.
شاهد أيضاً← مراجعة فيلم بحبك فيلم العيد 2022.. بطولة تامر
حسني وهنا الزاهد
مراجعة فيلم أميرة
قصة الفيلم بتحكي عن نوار الأب اللى معتقل فى سجن صهيوني ومتجوز من وردة وبيخلف منها أميرة عن طريق النطف ولكن بيكون عايز يكرر التجربة تاني وفى الأول بيحصل تردد من مراته ولكن بنته كانت موافقة ولكن بعد كدة بيحصل مشكلة ونتيجة التحليل بتكشف لنا حاجة تانية، وايه النتيجة ؟ و ايه السر فى الموضوع ده وبنشوف الاحداث هتوصلنا لفين.
السيناريو عندنا نقدر نقسمه لـ 3 فصول، الفصل الأول هو فصل تقديم الشخصيات وتقديم القصة ولغاية لما بنقدم الحبكة أو التعقيد بتاع القصة ودة كان فصل كويس، قدمنا فيها الشخصيات والأسرة كلها.
شاهد أيضاً← مراجعة فيلم عمهم فيلم العيد 2022.. بطولة محمد
إمام ومحمد سلام
بالإضافة إننا عرفنا العلاقات كلها المرتبطة بجميع الشخصيات وبناخد وقت كويس عشان يبقى فيه تغيير لشخصياتنا الرئيسية من الرفض للقبول بالموضوع تاني، لغاية لما بنوصل للتطور مفاجئ ولكن مكنتش حاسس إن فيه جديد اتقدم لغاية لما وصلنا للفصل الثاني.
والفصل الثاني فى رأيي هو أفضل فصول الفيلم لأن إحنا تقريبا شكلنا فى التواء أو حاجة تخضنا وإحنا بنتفرج ونتفاجئ بالموضوع بنشوف الممثلين كلهم بيمثلوا فى أفضل أحوالهم وخصوصا صبا مبارك وعلي سليمان، لكن تارا عبود مكانتش فى أفضل حال فى الفصل ده على عكس الفصل الثالث.
كمان السيناريو هنا كان مميز جدا لأنك بتستكشف أبعاد الموضوع واسراره وبتكون عايز تعرف ايه السر وايه الدافع اللى تخليها تعمل كدة ؟، طب هل نتيجة التحليل دي صح ولا اية الموضوع، بيخليك تفكر وتسأل وتخليك تعرفهم انسانيا أكثر ولكن انت زي الناس اللى حواليهم اللى واخدين مواقف منهم.
وفى الفصل الثالث للأسف هي اقل فصول الفيلم لأن لحظة الإجابة عن سؤال معين، سألت نفسي طب ليه دي حاجة متقدمتش من فصول البداية، لية مالهاش إشارات وحسيت إن المفاجأة ما هي إلا اثارة جدل وعشان كدة أنا تفهمت الناس اللى هاجمت الفيلم وممكن يكون معاهم حق.
شاهد أيضاً← مراجعه فيلم صالون هدى الفلسطيني Huda’s
Salon “فيلم
إثارة”
فيلم اميرة بيتكلم فى نقطة معينة وهو بكل تأكيد واخد موقفنا من الموضوع كعرب ولكن هو فى الفصل ده وعن شخصية أميرة عجبني إنه حاول يطلع من الشخصية عمل بطولي بس بشكل مختلف وهنا أداء تارا عبود كان ممتاز واعتقد لولا قصتها والنهاية اللى فعلا مؤثرة كان الفصل كله انهار.
طبعا الاخراج محمد دياب موجودة بصماته سواء فى إن الكدرات بتعبر عن حاجة أو بتقول حاجة، اللقطات الواحدة والتصوير فى الاماكن الضيقة وانه حاول على قد ما يقدر يلمس مع ارض الواقع وقدر يجيب قصة برة المآلوف، لكن بكل تأكيد كان فيه مجهود كان ممكن يتبذل أكثر من كدة وكان ممكن يبقى فيلم مميز كمان.
تقييم فيلم أميرة AMIRA
قبل أن يتم إيقاف فيلم أميرة من العرض حصل علي تقييم (7/10) ممن شاهدوا الفيلم ونال إعجابهم.
شاهد أيضاً← فيلم أخر نيزك أول فيلم مصري بتقنية المشاهدة 7D.. تعرف علي أبطال الفيلم
جوائز فيلم أميرة AMIRA
نال جائزة إنترفيلم لتعزيز الحوار بين الأديان.
شارك فيلم أميرة في مهرجان أيام فلسطين السينمائية.
نال جائزة إنريكو فولتشينيوني التي يمنحها المجلس الدولي للسينما والتليفزيون والإعلام السمعي البصري بالتعاون مع منظمة يونسكو.
