فيلم نبيل الجميل أخصائي تجميل
فيلم نبيل الجميل أخصائي تجميل هو فيلم مصري يشارك فى بطولته
محمد هنيدي
و نور اللبنانية ومحمد سلام ومحمد ثروت ومحمود حافظ ورحمة أحمد فراج وعدد آخر
من الفنانين، الفيلم من تأليف أيمن جمال وإخراج خالد مرعي.
قصة فيلم نبيل الجميل أخصائي تجميل
تدور أحداث الفيلم في إطار كوميدي تشويقي، يمتلك دكتور نبيل أخصائي التجميل
(محمد هنيدي) عيادة للتجميل، ومن خلال تلك العيادة يتعرض للعديد من المواقف،
وتحدث بينه وبين (نور اللبنانية) العديد من المفارقات الكوميدية.
ﺇﺧﺮاﺝ: خالد مرعي
(مخرج)، أحمد عيسى (مساعد مخرج
أول).
ﺗﺄﻟﻴﻒ:أمين جمال
(مؤلف)، محمد محرز
(مؤلف).
طاقم العمل: محمد هنيدي، نور اللبنانية، محمد سلام، محمد ثروت، محمود حافظ، رحمة أحمد فرج.
|
| بوستر فيلم “نبيل الجميل أخصائي تجميل” |
مراجعة فيلم نبيل الجميل أخصائي تجميل
فيلم “نبيل الجميل اخصائي التجميل” هو أحدث أفلام النجم محمد هنيدي بعد فيلم
“الانس والنمس” اللى كان فى رأيي العودة الجيدة له والفيلم بيحكي عن دكتور
نبيل اللى بيفتح عيادة تجميل بعد مشكلة معينة بتحصل له وبنخش فى العديد من
المواقف الكوميدية.
زي ما هو واضح ان الفيلم عبارة عن اسكتشات ومالوش قصة أو حبكة يعنى الفيلم
هدفة الاول والاخير هو الضحك فقط ودي عادة أفلام هنيدي واحنا بنخش افلامه
عشان كده، بس للأسف الفيلم ده هو أسوء فيلم لمحمد هنيدي على الإطلاق.
شاهد أيضاً←
مراجعة فيلم زومبي فيلم العيد 2022 | بطولة علي ربيع وحمدي الميرغني
فيلم محمد هنيدي الجديد
للأسف لانه بعيد عن انه فيلم مفكك ومالوش قصة وده مش مطلوب أوي من فيلم هدفه
الضحك بس، بس حتى الكوميديا نفسها مفيش، اكنك بتتفرج على سكتشات كل سكتش
لوحده ايقاعة طويل لدرجة توصل ل 10 دقايق أو ربع ساعة وده كتير اوي على مشهد
واحد أو اسكتش واحد لدرجة ان الواحد حس بملل وزهق لدرجة اني فقدت متابعة
الفيلم.
بالإضافة كمان الافيهات المكتوبة مش حلوة ومش بتضحك ولولا انه فريق العمل من
محمد هنيدي ومحمد سلام ورحمة احمد اللى هو يعتبروا أفضل ما فى الفيلم لما
بيتجمعوا مع بعض ومكانش برضه ده أفضل حاجة تطلع منهم لأنها من رغم انه افضل
حاجة فى الفيلم بس برضه مش دي درجة الضحك المنتظرة لما نعرف ان ثلاثي زي دول
بيتجمعوا مع بعض بس حتى المواقف الكوميديا مش مكتوبة حلوة ومفيش اي عنصر
ساعدها على أنها تبقى فعالة وده فيه شوية ابتسامات بس للأسف قليلة جدا.
الفيلم ده ينضم مع عنتر ابن ابن ابن شداد و يوم مالوش لازمة فى اقل افلام
هنيدي.
شاهد أيضاً← مراجعة
فيلم جروب الماميز 2023.. بطولة روبي ويسرا اللوزي
وأعتقد فيلم الجواهرجي هيبقى عودة جيدة له، بس للأسف فيلم نبيل الجميل
اخصائي التجميل للأسف معجبنيش خالص ودة مكانش متوقع من فريق العمل دة وخصوصا
ان معاهم المخرج خالد مرعي اللى حسيت انه بيعمل جريمة شبه جريمة فيلم “خيال
مأتة”، بس فى النهاية الفيلم هيجيب رقم حلو لأنه يكفي اسم محمد هنيدي.
تقييم فيلم نبيل الجميل أخصائي التجميل
حتي الآن حصد الفيلم تقييم نهائي: (3/10).
