recent
أحدث الأخبار

مراجعة فيلم بحبك فيلم العيد 2022.. بطولة تامر حسني وهنا الزاهد

مراجعة فيلم بحبك فيلم العيد 2022

فيلم بحبك هو فيلم رومانسي من تأليف وإخراج تامر حسني في أول تجربة إخراجية له، ومن إنتاج شركة سينرجي للإنتاج السينمائي.

الفيلم من بطولة تامر حسني، هنا الزاهد، حمدي الميرغني وهدى المفتي.

مراجعة فيلم بحبك فيلم العيد 2022.. بطولة تامر حسني وهنا الزاهد

قصة فيلم بحبك

تتناول أحداث فيلم تامر حسني الجديد بحبك حول حياة رجل يخوض قصتي حب، ويتخبط في حياته بين الفتاتين، ويُظهر اختلاف مدى صدق التعبير عن الحب بين الرجل والمرأة.

مراجعة فيلم بحبك

قصة فيلم بحبك تامر حسني بتحكي عن علي بيطلع أجازة مع أصحابوا وبيحاول يتعرف على حبيبة والعلاقة بتطور لغاية لما بيبقوا على وشك إنهم بيتجوزوا ولكن بتخش ياسمين حبيبت علي الأولى وبترجع تآني وبنعرف لية هي مشيت من حياتة أصلا وبنشوف اية اللى هيحصل ؟

فيلم تامر حسني الجديد بحبك مقسوم نصين بالظبط، النص الأول هو الكوميديا والرومانسية وتعريف الشخصيات اللى هي بنقضي فيها حوالي 50 دقيقة بين علي (تامر حسني) وحبيبة (هنا الزاهد)، وللأسف الكوميديا فى الفيلم غير موفقة ومكررة والمعتادة فى كل أفلام تامر حسني اللى خلاص بجد من كتر ما شوفتها و سمعتها كذا مرة مابتضحكش.

شاهد أيضاً← مراجعة فيلم تسليم أهالي.. بطولة دنيا سمير غانم وهشام ماجد

واللى يضاف على كدة إن فيه حاجات مسروقة واللى متابع فيديوهات على تيك توك هيفهم أنا بقول ايه، والاستسهال فى ابهى صوره حتى فى الاخراج الكوميدي، يمكن اللى قدر يخليني ابتسم مرة أو مرتين بس هو حمدي المرغني غير كدة للأسف مفيش أي حاجة ناجحة فى النصف الأول من الفيلم.

وفى النصف الثاني من فيلم بحبك تامر حسني قرر يبقى درامي بحت، وحصل زي ما تقولوا تربنة لأن الايقاع باظ، نزلت علينا شخصية ياسمين زي البارشوت لا تم التمهيد لشخصيتها ولا عارفين ايه سر وجودها و مش بس كده ده خلق لشخصية، قصة اقل ما يقال عنها إنها ساذجة وفيها نوع من الابتزاز العاطفي.

شاهد أيضاً← مراجعة فيلم الإنس والنمس بطولة محمد هنيدي ومنة شلبي

وللأسف محدش ناجح فى النص ده إلا هنا الزاهد اللى كانت كويسة فى اغلب الاوقات وشخصيتها وافعالها لايقه على المواقف اللى بتتحط فيها، لكن السيناريو كمان بايظ لان أنا مش فاهم لية القرار ده أصلا ولو ده قرار هل معقول تجريني المسافة دي كلها وبعدين تصدمني بحدوته مبنتش ليها أصلا؟

وغير كدة الدراما مش واقفه على حيلها، لا ده الحوار كمان بالحكم والجمل مسروقه ومتاخدة من على posts كتير على الفيسبوك واحنا بقى المفروض نقول الله يا سلام، ايوه بقى أتعلم ؟ هل دي سينما أصلا ؟

للأسف أنا مكنتش متحمس للفيلم بس تامر حسني لازم يعيد النظر فى قرار انه يعمل أفلام تاني ويركز على حاجة واحدة، لان هو متحمل مسئولية الفيلم كله لإنه هو البطل وهو المؤلف وهو المخرج وهو صاحب الموسيقى التصويرية اللى للأسف كانت سيئة جدا وهي مقطوعة واحدة أصلا وليه أصلا يعمل كل ده لوحده ؟

شاهد أيضاً← مراجعة فيلم عمهم فيلم العيد 2022.. بطولة محمد إمام ومحمد سلام

نقد فيلم بحبك

فيلم بحبك هو أسوء فيلم لتامر حسني، ومن رغم إن افلامة خفيفة حتى لو فيه منها مش عجباني اوي بس على الاقل كان فيه قصة نتابعها أو حتى خروجة لطيفة، بس للأسف الفيلم ده مافيهوش أي حاجة و بأمانه دي مش مبالغه، بس فعلا أنا مانبسطش واللى كانوا معايا فى القاعة عائلات خارجين مضايقين من الفيلم.

للأسف الفيلم إيجابياته قليله زي ما قولت زي هنا الزاهد وزي الصورة والالوان للفيلم وضحكتين لصالح (حمدي المرغني) ولكن للأسف غير كدة مفيش أي حاجه.

شاهد أيضاً← مراجعة فيلم كيرة والجن فيلم العيد 2022 | بطولة أحمد عز وكريم عبد العزيز

تقييم فيلم بحبك

حتي الآن حصد تقييم فيلم بحبك علي (3/10) بإنتظار المزيد من آراء الجمهور.

اعلان فيلم بحبك بطولة تامر حسني وهنا الزاهد

google-playkhamsatmostaqltradent