مارك زوكربيرج تعمد تعطيل وسائل التواصل الاجتماعي
وده يعتبر أقرب سبب منطقي للعطل المفاجئ اللي حصل للفيس بوك والتطبيقات التابعة ليه زي الواتس أب والانستجرام وعشان تفهم معنى الكلام ده وليه هو منطقي عايزك تركز في المعلومات اللي جاية دي وخلي بالك دي معلومات مش تخمينات ولا وجهات نظر.
القصة بتبدأ من أقل من شهر، لما نشرت صحيفة وول ستريت جورنال تسريبات فظيعة عن إدارة الفيسبوك.
التسريبات دي سربتها شخصية مجهولة وقتها، بتحكي عن جرائم أخلاقية مهينة كانت بتتعمد فعلها إدارة الفيسبوك عشان تكسب المال من منصاتها!
الموضوع عمل ضجة كبيرة وقتها ولحد إمبارح بس لما ظهرت مفاجأة هزت عرش الفيس بوك من جديد.
الشّخص الّلي سرّب المعلومات فاجأ المجتمع الأمريكي والعالم كله إمبارح وكشف عن هويته في برنامج تلفزيوني اسمه “60 مينيتس”.
وطلعت مهندسة اسمها فرانسيس هوجن، فرانسيس موظفة سابقة في فيسبوك، استقالت مايو اللي فات، بعد ما جمعت عدد كبير من المستندات اللي بتُدين الموقع في أمور تخص السلامة وسربتها للإعلام.
بدأت تتكلم عن فظائع شركة الفيسبوك بالمستندات والأدلة، وأنه بيحض وبيساعد على الكراهية.
شاهد أيضاً← “العيب
في السيستم”.. كيف فقدنا الاتصال بخدمات «فيسبوك» وتطبيقاتها؟
فرانسيس قالت إنّ الخوارزميات البرمجية للفيسبوك تم تطويرها بشكل متعمّد للإضرار بالمستخدمين مقابل مصلحة الفيسبوك!
وإن الأضرار دي تسببت في إبادات جماعية، حراكات جماهيرية، أضرار اقتصادية، نمو للعنصرية، نمو للاعتلات النفسية، انتشار أخبار زائفة، وغيرها.
وقالت إن فيسبوك بيطبق قواعد مختلفة على الحسابات رفيعة المستوى حوالي 6 مليون حساب للمشاهير حوالين العالم الفيس عاملهم استثناء ينتهكوا المعايير براحتهم وإحنا الغلابة لو كحيت كحة معجبتوش حظر على طول.
فرانسيس أكدت أن منصة الفيس بوك لعبت دور مهم في هجوم 6 يناير على مبنى الكابيتول أيام فترة انتخاب ترامب وبايدن.
وأضافت أن فيسبوك بيضع الأرباح في مقدمة اهتماماته، على حساب خطاب الكراهية.
وأشارت أنه لما يكون فيه تضارب في المصالح بين ما هو مفيد للجمهور وما هو جيد لفيسبوك، اختارت الشركة دايما مصالحها الخاصة لكسب المزيد من الأموال.
فرانسيس المفترض أنها هتدلي بشهادتها ضدّ الفيسبوك قدام مجلس الشيوخ الأمريكي غداً.
شاهد أيضاً← اختراق
1.5 مليار مستخدم أثناء توقف الفيسبوك والواتساب
البعض اعتبر إن ده معناه إن فيه خبراء من الكونجرس راح يبدؤا تحقيق في الفيس بوك والخوارزميات البرمجية.
يقوم سبحان الله وبالصدفة وبعد أقل من 24 ساعة من ظهور الست دي وقبل 24 ساعة من شهادتها يحصل عُطل في الفيسبوك!
المصيبة أنّ الفيسبوك أوّل مرة في تاريخه يتعرض لانقطاع في الخدمة بالحجم والنوع والمدّة دي.
وجميع المؤشرات بتشير أنّ الانقطاع ده أكبر من مجرد هجوم سيبراني عادي، حرفيًا فيسبوك بجميع منصاتها مكنتش موجودة على شبكة الإنترنت!
عشان كدة اتقال الفيسبوك عطل خدماته عمدًا لإجراء تغييرات على الخورزميات قبل التحقيق!
طب هل فيه أدلة على كلامك!
مارك وقت العطل ده طلع صرح شوية تصريحات المفروض كلها تتكلم عن العطل وسببه وهيتحل أمتي لكن حرفيا كل كلامه دفاع عن الفيس بوك وأنه والله العظيم ما عملنا حاجة ولا انتهكنا المعايير ودافع عن نفسه وعن الفيس وقال: خطاب الكراهية هو أصعب قطاع يمكن أن تتخذ قرارًا فيه والحكم على محتواه على انه خطاب الكراهية.
وخد عندك الخبر ده من نيويورك تايمز: “موظفو فيسبوك لم يتمكنوا من الوصول الى الخوادم لمعالجة التعطيل بسبب عدم قدرة الابواب على قراءة بطاقاتهم التعريفية”.
شاهد أيضاً← “التفاصيل
كاملة”.. ايلون ماسك يشتري تويتر مقابل 44 مليار دولار وتويتر ترد
مؤامرة بقى: تعالوا نشوف تصريح البيت الأبيض وقت العطل ياتري قال إيه عن الفيس بوك؟
البيت الأبيض شن هجوم عنيف على فيس بوك ومرحمهمش بخصوص التسريبات الأخيرة دي.
المتحدثة باسم البيت الابيض اتكلمت عن تسريبات فيسبوك برضو وقالت: “تسريبات فيسبوك تظهر ان شركات التكنولوجيا لديها قوة لا يمكنها السيطرة عليها بعد ان كشفت هذه التسريبات ان فيسبوك تساهلت مع خطاب الكراهية لانه يجلب تفاعلا اكبر واعلانات اكثر على المنصة”.
