ياسمين عز: سيبي الراجل يقعد مع زميلته في الشغل
قالت الإعلامية ياسمين عز، في برنامجها «كلام الناس» الذي يُعرض عبر قناة أم
بي سي مصر، الخميس: وتابعت: «سيبي الراجل يفك عن نفسه شوية، مفيهاش حاجة لما
الراجل يقعد مع زميلته في الشغل ويأكلوا سوا سبيه يفك عن نفسه ميبقاش نكد في
البيت وفي الشغل».
«الراجل ومراته اللي بيشتغلوا في نفس المكان بيكون النكد الأكبر على الراجل،
والدراما وصلت للستات أن السكرتيرة شخصية وحشه ولازم جوزك يكون بيخونك معاها،
وده مش صح دي بتكون شخصية كويسه جدًا وبتساعد جوزك في الشغل في حاجات
كتير».
«الراجل مش بيعرف ياخد راحته في البيت وكمان في الشغل ولو سمع كلامها في
الشغل صحابه هيقولوا أنه خايف منها، ولو زعقلها هيقولوا ده لما يروح هيتنكد
عليه».
وتابعت ياسمين عز :«لو الراجل عامل مراته حلوة في الشكل الكل يبص له في
الشغل، ويقول اشمعنا، ولو تعامل الزوج مع زوجته التي هي زميلته بطريقة غير
لطيفة، يقول الجميع، دي شكلها مطلعة عينة ومنكدة عليه وبيعاقبها».
الجدير بالذكر أن برنامج كلام الناس تقدمه الاعلامية المثيرة للجدل ياسمين
عز التي بدأت مشوارها الإعلامي من خلال برنامج عز الشباب على قناة روتانا
مصرية واستمرت في القناة لمدة 3 أعوام بعدها انتقلت إلى قناة إم بي سي
مصر.
حيث شاركت في تقديم برنامج صباحك مصري ثم قدمت برنامج حديث المساء بعد حصول
مقدمة البرنامج سهام صالح على إجازة مفتوحة، ثم قدمت برنامج ليلة الخميس
وهو برنامج فني لموسم واحد.
شاركت في مسلسل برة الدنيا من إنتاج عام 2010 ومسلسل الصفعة إنتاج
2012.
