مراجعة فيلم تسليم أهالي دنيا سمير غانم وهشام ماجد
تسليم أهالي هو فيلم كوميدي مصري من إخراج خالد الحلفاوي وبطولة دنيا سمير غانم، هشام ماجد، بيومي فؤاد، دلال عبد العزيز، عمرو وهبة ومحمد أوتاكا.
فيلم تسليم اهالي من تأليف شريف نجيب وإخراج خالد الحلفاوي، ومن إنتاج هشام جمال.
موعد عرض فيلم تسليم أهالي
كان من المقرر عرض فيلم تسليم أهالي ضمن أفلام موسم عيد الأضحى لعام 2022، لكن تم تأخير صدور الفيلم بسبب وجود منافسة كبيرة بين أفلام عيد الأضحي 2022 والتي كانت متمثلة في أفلام، فيلم كيرة والجن بطولة كريم عبد العزيز وأحمد عز، فيلم عمهم بطولة محمد إمام وهدي المفتي، فيلم بحبك تامر حسني وهنا الزاهد.
قصة فيلم تسليم أهالي
يتناول فيلم تسليم اهالي قصة زوجين، يحلم الزوج الذي يعمل بمهنة الطبيب البشري في الهجرة لكندا، ولكن سرعان ما تظهر امرأة في حياة الزوجين وتلاحقهما في كل مكان.
شاهد أيضاً← مراجعة فيلم بحبك فيلم العيد 2022.. بطولة تامر
حسني وهنا الزاهد
مراجعة فيلم تسليم أهالي
تدور أحداث فيلم تسليم اهالي عن زاهية اللى بتحلم بعريس تتجوزوا والناحية التانية عندنا خليل اللى بيقدم على هجرة لكندا ولكن أم زاهية وابو خليل بيحبوا بعض ويتجوزوا ولكن بنكتشف إن وراهم سر مش مكشوف فى التريلر بيخليهم عاوزين يبلغوا عنهم ودة بيحط زاهية وخليل فى مواقف كتير وبنشوف اية اللى هيحصل ؟ و العلاقة المتنافرة من خليل ل زاهية هتوصل لغاية فين ؟
الفيلم من نوعية الكوميديا، الرومانسية وللمفاجأة اكشن كوميدي، الفيلم على مستوى الكوميديا كان ناجح جدا فى كثير من أوقاته زي فصل البداية الجيد و التعريف بالشخصيات لغاية إرساء الحبكة وهو الاقل زمنا فى الفيلم.
شاهد أيضاً← مراجعة
فيلم هارلي فيلم العيد 2023.. بطولة محمد رمضان ومي عمر
وبعد كدة بنخش فى 3 فصول بما فيهم فصل النهاية، و السيناريو لشريف نجيب كان مترابط وكان كل فصل يحسسك إنه اسكتش بس مش منفصل وله علاقة باحداثنا وكل فصل منهم كان مشبع ب كوميديا الافيهات وكوميديا الاكشن والكوميديا الرومانسية وكان ناجح فى كل واحد من دول.
ولكن بالأخص كوميديا الاكشن اللى فعلا المخرج خالد الحلفاوي بيثبت إن يقدر يضحكك من مشاهد اكشن وفى رأيي رفعت السقف من ناحية النوعية دي ودي حاجة مش سهلة واقصد بالتحديد مشهد شيكو فيلم تسليم أهالي ومشهد الفرح.
أما الكوميديا الرومانسية أنا فى رأيي تروح لافضل حاجتين فى الفيلم وهما بيومي فؤاد والله يرحمها دلال عبد العزيز اللى فعلا مشاهدهم كلها بلا استثناء تضحك من القلب والإثنين فى أفضل أحوالهم لأن كمان حسيت بتفوق آكتر من ما كان دنيا سمير غانم وهشام ماجد مع بعض، ودة مش تقليل منهم، بس أنا حبيت بيومي ودلال آكتر وطبعا غير أدائهم الممتاز.
شاهد أيضاً← مراجعة
فيلم جروب الماميز 2023.. بطولة روبي ويسرا اللوزي
أما عن دنيا سمير غانم فهي بتجسد كاركتر دمة خفيف وشخصية مختلفة عنها نسبيا رغم إنها متحكمة فيه بادوتها الكوميديا لانها بتجسد حاجة كدة شبه شخصية علا شوية فى مسلسل عايزة أتجوز.
وهشام ماجد كالعادة بيقدر يعمل كيمياء جيدة جدا مع الممثلة اللى قصاده وكان فوق الممتاز مع دنيا فى المواقف اللى بيعكس فيها غبائها أو سذاجتها.
لكن فيلم تسليم اهالي فى رأيي وقع فى نهايتة لأنها اتكروتت بسرعة وفيه حاجات متقفلتش أو بمعنى أصح حاجات كانت ليها مصير فى الاحداث ومعرفناش عنها حاجة، وده خلى بشكل عام رسالة الفيلم تتوه شوية رغم إنها كانت حلوة بس زي ما يكون حسيت إنهم عايزين يقفلوا الفيلم بسرعة ودة نزل من تقييم فيلم تسليم أهالي فى رأيي.
عايز أشيد برضه بوجود ضيوف الشرف وهما كتير الحقيقة وفيه منهم ناس مظهرتش فى التريلر حقيقي وجودهم كان رائع واقصد أول ضيف شرف طلع فى بداية الفيلم، شيكو طبعا، عمرو وهبة برضه المشهد كان جامد جدا، فصل لوسي ومحمد ممدوح كانوا جيدين جدا وفيه طبعا ضيوف شرف مكانوش كويسين خالص ومكانتش أفضل كوميديا فى الفيلم وكنت بعتبرهم فرص مهدرة.
شاهد أيضاً← مشاهدة
وتحميل مسلسل بالطو «4 حلقات» برابط واحد مباشر HD 720
تقييم فيلم تسليم أهالي
حتي الآن حصد تقييم فيلم تسليم أهالي علي (7/10) بإنتظار المزيد من آراء الجمهور.
اعلان فيلم تسليم أهالي هشام ماجد ودنيا سمير غانم
