مراجعة فيلم Thirteen Lives أفضل فيلم في 2022 حتى الآن

مراجعة فيلم Thirteen Lives ثلاثة عشر روح

Thirteen Lives هو فيلم دراما سيرة ذاتية من إخراج رون هاوارد وبطولة فيجو مورتينسين، كولين فاريل وجويل إجيرتون، وقد تم عرض الفيلم لأول مرة في 18 نوفمبر 2022.

بوستر فيلم Thirteen Lives

قصة فيلم Thirteen Lives

تدور أحداث فيلم Thirteen Lives حول قصة حقيقية حدثت بالفعل في 23 يونيو 2018 عندما اُحتجزت مجموعة من اثني عشر فتىً يتبع لفريق كرة قدم محلي أعمارهم ما بين 11 و16 سنة جنباً إلى جنبٍ مع مدربهم في كهف ثام لوانغ نانغ نن الواقع في محافظة تشيانغ ري التايلندية وذلك عقِب هطول أمطار غزيرة غمرت الكهف جزئيا في أثناء وجودهم.

وقد أُبلغ عن الفتية ومدربهم كمفقودين بعد اختفائهم بساعات قليلة وجرت عمليات البحث على الفور، وعلى الرغم من العثور على متعلقات رجحت وجود المجموعة في الكهف إلا أن جهود تحديد موقعهم أُعيقت بسبب ارتفاع منسوب المياه التي منعت الوصول إلى حُجَر الكهف الداخلية، والذي يعني عدم إمكانية التواصل معهم لأكثر من أسبوع.

شاهد أيضاً← مراجعة فيلم The Gray Man (الرجل الرمادي) بدون حرق للأحداث

جهود الإنقاذ توسعت لتصبح أمراً بالغ الأهمية بعملية تقودها الحكومة وسط تغطية إعلامية مكثفة واهتمام من العامة

جاهد الغواصون وحاولوا المرور عبر فجوات ضيقة ومياه موحلة ليكتشفوا أن كافة المفقودين على قيد الحياة قابعين على صخرة عالية ترتفع حوالي 4 كيلومتر عن ثلمة الكهف وذلك في الثاني من يوليو أي بعد تسعة أيام من فقدانهم.

وقال المسؤولون أن الفتية لكي يخرجوا من الكهف فإنهم قد يكونوا بحاجة لتعلم الغوص أو الانتظار لأشهر كي تنحسر الفيضانات عِقب الرياح الموسمية، وفي العاشر من يوليو، تم إنقاذ كافة الفتية ومدربهم.

شاهد أيضاً← مراجعة
فيلم 2022 Top Gun: Maverick بطولة توم كروز

تقييم فيلم Thirteen Lives

حصل الفيلم على نسبة موافقة تبلغ 88 ٪ بناءً على 119 مراجعة، بمتوسط ​​تقييم فيلم Thirteen Lives 7.3 / 10.

مراجعة فيلم Thirteen Lives

فيلم Thirteen Lives بيحكي عن 13 فرد من فريق كرة من الشباب والمدرب بيدخلوا كهف على سبيل التنزه وبتقوم الامطار الموسمية في تايلاند اللي بتكون شديدة جدا وتحبسهم داخل الكهف، وطبعا الحكومة وكتير منهم ومن المتطوعين كمان عايزين ينقذوهم وبنشوف ايه اللى هيحصل؟

أهمية الفيلم دة بالنسبالي حاجتين، إن القصة حقيقية بدأت مع يوم 23 يونيو عام 2018 والعالم كله كان متابع الحادثة بالتوازي مع مباريات كأس العالم، وتاني حاجه هو فريق الممثلين اللى فيه اللى بيتكون من كولين فاريل، فيجو مورتينسون، جويل اجيرتون و توم باتمان، أسماء مش كبيره بس قيمتهم الفنية بالنسبة لفيلم زي ده، شئ يستدعي الترقب.

شاهد أيضاً← مراجعة فيلم Day Shift بدون حرق للأحداث.. فيلم مصاص دماء

بالنسبالي الفيلم ده السيناريو لازم يتشرح للاوسكار لأنه قدر يقسم أحداثنا لفصول كلها مهمة من البداية للنهاية، قدر يقسم ويخلينا نتأمل وقدر يغير تفاصيل زيادة عن أي فيلم تاني بينتمي لنوعية الافلام دي اللى الكارثة بسبب الظواهر الطبيعية، زي إن الأولاد والكابتن بتاعهم هما مش مستنيين الفرج وبينجوا من الموضوع، لا دول بيحاولوا يهربوا ويخرجوا من المشكلة اللى هما فيها يعنى ناس عندها أمل و بيحاولوا مش مجرد إن إحنا نتوتر عليهم وبس.

الجانب الغواصيين اللى بينقذوا الأولاد وهما ابطال فيلمينا، ليهم تعريف مناسب لكل واحد فيهم حتى لو منهم اتنين أتقدموا بتاخر فى الاحداث بس أدائهم و الاستعانة بيهم موفق، وكل ممثل قدر ينزع مشهدين أو مشهد على الاقل ويعبر عن اللى هو فيه واقصد بالتحديد كولين فاريل اللى لسه عامل شخصية بنجوين فى فيلم The Batman من كام شهر، واقصد فيجو مورتانسين اللى كان معاه تطور الحبكة لمرحلة أصعب.

شاهد أيضاً← مراجعة
فيلم Bullet Train (قطار الرصاصة) بدون حرق للأحداث

كمان مشاهد التصوير تحت المياه أو كل مرة بيروحوا فيها للاولاد عشان يودلهم أكل أو مياة أو ينقذوهم، بيبقى فيه خطورة والخطورة مع المناخ أو الكهف اللى هما محبسوين فيه ده، شكله حقيقي يرعب وغير المواقف اللى بيتعرضولها حرفيا إنت هتلطم وده إنجاز طبعا لمخرج الفيلم رون هاورد اللى يكفي إنه اخرج Apollo 13 و A Beautiful mind.

كمان ابراز جانب الحكومة وابرازهم على إنهم بني ادمين، بيحاولوا وبيتخدوا قرارات بشكل حكيم كمان غير كده عجبني إن هما بيحاولوا بالتعاون مع الجميع إزاي يخرجوا من الورطة اللى هما فيها، خصوصا إننا بنتكلم فى وقت فيه أمطار موسمية وعيال تقريبا خلصانيين لقلة الهواء وقلة الاكل.

كمان جانب الاهالي والاعلام اللى كانوا مهمين جدا سواء فى إنهم خايفين على أولادهم أو ليهم لحظات انهيار وكمان كانوا بيتابعوا كره، اه فيه أصوات فى الخلفية لمتشات كأس العالم وده اهتمام بالتفاصيل الزمنية فى الوقت ده من المخرج وكمان تصاعد المشاكل وتطوير الحبكة و كمان فيه ميزه إن الفيلم مش بيكرم أي حد من الشخصيات للاحداث أو بيدفع أي دراما للشخصيات عشان يقوم فيلمه.

شاهد أيضاً← مراجعة فيلم Spiderman
No Way Home
بدون حرق للأحداث

حقيقي فيلم Thirteen Lives هو أفضل فيلم فى أفلام الكوارث، ومشاكله مش باينه أوي غير إن يمكن حصل شوية نط فى الزمن أو فى الاحداث ودي مشكله صغيره غير كدة فيلم Thirteen Lives أفضل فيلم فى 2022 حتى الان.

البرومو التشويقي لفيلم Thirteen Lives