تصريحات الكابتن محمود الخطيب اليوم علي قناة الأهلي
طل علينا اليوم أحد أفضل من لمس الكرة في تاريخ مصر، أسطورة النادي الأهلي الكابتن محمود الخطيب، وذلك لمناقشة عدة أمور تخص القلعة الحمراء في الأونة الاخيرة، ننقل لكم كافة تصريحات الكابتن محمود الخطيب ضمن أخبار الاهلي اليوم.
محمود الخطيب: حق جمهور الاهلي العظيم علينا أننا نطلع نتكلم، احنا بنعترف إن في تقصير مننا وكمان بنسارع في الاصلاح لان الناس اللي بتشتغل بجد ممكن تغلط لكن العيب اننا نستمر ومنشوفش الغلط وان شاء الله احنا عارفين ازاي نعالج الغلط، بنتمني انكم تدعمونا.
 |
| تصريحات الكابتن محمود الخطيب اليوم علي قناة الأهلي |
محمود الخطيب: انا حاسس بزعل الناس وقلقهم، واحنا زعلانين اكثر، احنا مسؤلين وهنسأل قدام ربنا وقدام جمهورنا انك عملت اللي عليك ولا لأ، في وقت الفرحة والانتصارات انتوا بتبقو فرحانين بينا زيادة، لما تيجو انتو في فترة فيها عتاب وحزن وزعل ولوم لازم احنا نستحمل الكلام منكم، لان دي مسؤلية تجاه نادينا وتجاه الجمهور.
شاهد أيضاً← فيديو
خناقة ياسر إبراهيم مع مشجع زملكاوي وتفاصيل الحقيقة كاملة
محمود الخطيب: أنا قولت للاعيبة من حب الجمهور ليكم ومن دعمهم بيكونو زعلانين عشان كدة بيلومو عليكم لانهم شايفينكم أحسن من كدة بكتير، لكن برضه لازم نقول ان نفس اللاعيبة دي من فترة صغيرة كانت في نهائي افريقيا وتالت كأس عالم باداء العالم كل اتكلم عليه، اللي حصل للاعيبة دي بحكم تاريخي وخبرتي انهم وصلو لقمة الهرم الكروي بالمشاركة في بطولات كبيرة حصلهم دروب بسبب الضغوط لما خلصوا البطولات دي ونزلو لبطولات محلية اقل لتلاحم المواسم ومكنش فيه راحة للاعيبة دي لمدة 3 مواسم.
الكابتن محمود الخطيب: الوطنية مش بالكلام والشعارات الوطنية بالمواقف والأفعال.
الكابتن بيبو: بطولة دوري أبطال أفريقيا الاخيره في المغرب ضاعت مننا ومن ضمن الاسباب ناس من مصر للاسف.
الخطيب: من ثوابت النادي الاهلي عدم الظهور الإعلامي الكتير، لكن المرة دي كان لازم نطلع نتكلم مع حضراتكم لتوضيح بعض الأمور بعد الإخفاق الأخير اللي بيحدث لأنكم الداعم الأول والرئيسي لمنظومة النادي الأهلي، في زعل الناس حاسس بدعمهم الغير مسبوق وده بيحملنا مسئولية أكبر.
شاهد أيضاً← مانشستر يونايتد يقدم إغراءات مالية لتوماس توخيل
من أجل تدريب الفريق
محمود الخطيب: فيه عوامل خارجية بتؤدي انها بتحبط لاعبيتنا ومنها التحكيم من السنة اللي فاتت والف خط يتحط تحت التحكيم، خليك عادل وادي لكل واحد حقه، هناك اخطاء تحكيمية فجة وكلها ضد الاهلي وهناك مجاملات في اتجاهات اخرى، النادي الاهلي بيطلب العدل بس.
محمود الخطيب: موسيماني بالارقام والتاريخ حقق حاجات كويسة جدًا، كان فيه مشروع تبع الاتحاد الدولي في المغرب والراجل راجع الساعة 10 باليل وقعدنا معاه الساعة 11 ونص باليل وقولناله الفترة الجاية ان الموسم صعب وقولناله ايه الدعم اللي انت عايزة عشان ننهي الفترة الجاية بشكل كويس لانها حاسمة، فاجأنا انه صحيًا ونفسيًا مش قادر يكمل ودي كانت مفاجأ، طلبنا منه يفكر في خلال 24 ساعة لاننا محتاجينك، كلمنا بعد 24 ساعة واعتذر ولتاريخه معانا كل حاجة انتهت بهدوء.
 |
| تصريحات الكابتن محمود الخطيب اليوم علي قناة الأهلي |
الكابتن محمود الخطيب: احنا كل شوية بنبعت خطابات لاتحاد الكرة بخصوص التحكيم ومش بنلاقي منهم غير كلام.
محمود الخطيب: اتحاد الكرة انٌتخب عشان يخدم كل الجهات، والنادي الاهلي جزء من الجمعية العمومية للكرة المصرية ولينا حق نسأل ونحاسب، اخر 3 مواسم بنلاقي حاجات بتحصل ومحدش بيحاسب حد، منها رسوم قيد اللاعيبن، مش معقول في ناس زيينا بتدفع وعليها مبالغ صغيرة وناس عليها مبالغ كبيرة ومش بتدفع فين العدالة والمساواة.
شاهد أيضاً← “بكاء أحمد يحيي”.. بخماسية نظيفة
سيراميكا يسحق الاتحاد في الدوري المصري
ضغط المباريات اللي بيحصل علينا عقاب لينا عشان بنشرف الكرة المصرية، لما يبقى المقر مقفول وتفتحه عشان تسجل اللاعبين، انا سمعت مسؤل بيقول احنا جالنا جواب حرمان من القيد بس نجحنا اننا نتكتم عليه، انت نجحت مع مين والجواب راح لمين ؟
محمود الخطيب: في تدعيم قوي جدًا في بعض المراكز اللي احنا محتاجينها، ودا ميقللش من اللاعيبة الموجودة لانها من اميز اللاعبين الموجودين، شركة الكرة بقت موجودة في ادارة منظومة الكرة في النادي الاهلي بالتنسيق مع مجلس الادارة لان لازم المجلس يدعم كل قرار.
الخطيب: مش معنى اني بقول على الظروف اللي اتعرضت ليها اللاعيبة تبقى دي مبررات، لكن في ناس بتحاول تهز ثقة الجمهور باللاعيبة والنادي الاهلي، متسيبوش اللي عاوز يهدم يقدر يهدم ناديكم.
شاهد أيضاً← صحفي مغربي يكشف حقيقة تولي موسيماني تدريب الوداد
المغربي
الكابتن محمود الخطيب: بخصوص بطولة دوري أبطال أفريقيا السيد أشرف صبحي وزير الشباب عمل لجنة وجه النادي الاهلي وسألو الاتحاد المصري والافريقي وفي كل حته، بعدها اصدروا قرار ان اتحاد الكرة مخطئ والادارة التنفيذية اخطأت، نعمل ايه بقى السيد الوزير قال مقدرش احاسب الاتحاد المصري، الاتحاد الافريقي بعد المؤتمر بتاعنا قالنا احنا مقدرين ضيق جمهور الاهلي ومجلس ادارته، قدروا دلوقتي يغيروا شوية حاجات في الاتحاد الافريقي هما اخدو موقف، لكن اتحاد الكرة والتنفيذي ايه الخطوات اللي اخدوها او الموقف اللي اتاخد معاهم.
محمود الخطيب: احنا بنطالب الأتي: التطوير الشامل والمحاسبة الواضحة للمخطئ لمنظومة التحكيم اللي تحتها ألف خط، بالإضافة إلي تنظيم مواعيد البطولات المحلية مع مراعاة الإلتزامات القارية والدولية لان النادي الاهلي الاكثر تضررًا.
الخطيب: النادي الاهلي بيتبع كل الطرق القانونية لاخذ حقوقه واحنا صوتنا عالي في الحق والنادي الاهلي عمره ما كان ضعيف، بس الاهلي مش سليط اللسان ومش سباب ولا فاحش ولا بذيئ، الاهلي أكبر من كدة بكتير.
الخطيب: فين المجلس الاعلى لتنظيم الاعلام من الناس اللي بتجرح فينا ولما ردينا على القناة روحت عامل تحقيق مع الاتنين، متجيش على رد الفعل وخليك الاول في الفعل.
محمود الخطيب: الاعلام الرياضي هدفه الاصلاح وليس الهدم، لكن احنا اتعلمنا الفترة اللي فاتت الكلمة أمانة وحمل الامانة شرف ومسؤلية، لكن في غالبية من اعلامنا الرياضي في صورة واضحة بتحصل، فيه قنوات واعلاميين انتمائهم طغى على مهنيتهم.
اللي عايز يخلي برنامجه يقوم يشوه صورة الاهلي ويحط اشاعات، فيه ناس بتتكلم على الاهلي اكتر من نفسهم، لكن بنشوف تجريح وتجريح يومي ومفيش حد بيتحاسب، لكن هما بيحاولو يسفهو من الاهلي وتاريخة وانجازاته وبينتهزوا وقت الاخفاق اللي الحمدلله قليله لمحاولة التشويه.
الخطيب: ريكاردو سواريش متخوف من النتائج بعد قرار الإعتماد علي الناشئين والعائدين من الإصابة، لكننا لن نحاسبه علي النتائج لأن هذه الفترة نتخذها كإعداد للموسم المقبل.
الخطيب: واخيرًا، الاهلي مش للبيع، الاهلي ملك لجماهيره واعضاءه.
