فيلم كيرة والجن بطولة أحمد عز وكريم عبد العزيز
كيرة والجن فيلم
دراما
تاريخي
مصري
من إنتاج سنة 2022.
الفيلم من إخراج
مروان حامد، وتأليف
أحمد مراد، وإنتاج
تامر مرسي، ومن بطولة
كريم عبد العزيز،
وأحمد عز،
وهند صبري،
وسيد رجب،
وأمينة خليل،
وأسماء أبو اليزيد. تم عرض فيلم كيرة والجن لأول مرة في 30 يونيو 2022 في جميع السينمات في
مصر.
قصة فيلم كيرة والجن
ترصد قصة فيلم كيرة والجن حالة الغليان التي كانت يموج بها الشارع المصري
بالتزامن مع اندلاع ثورة 1919، وهو الحدث الكبير الذي يوحد مصائر أحمد عبد
الحي (كيرة) وعبد القادر (الجن) ليشتركا في النضال ضد
الاحتلال البريطاني.
شاهد أيضاً←
مراجعة فيلم Blonde المثير للجدل.. “حياة مارلين مونرو”
أبطال فيلم كيرة والجن
كريم عبد العزيز
بدور
أحمد عبد الحي كيرة، أحمد عز
بدور «عبد القادر الجن»، هند صبري
بدور
الملكة نازلي، أسماء أبو اليزيد
بدور «دولت»، أحمد مالك
بدور «ياسين»، أمينة خليل
بدور «ورد»، عارفة عبد الرسول
بدور «أم كيرة»، هدى المفتي، ياسين أمير، عبلة كامل
بدور «بنبة»، روبي، علي قاسم، سيد رجب
بدور
سعد زغلول.
شاهد أيضاً←
مراجعة فيلم واحد تانى فيلم العيد 2022 | بطولة أحمد حلمي وروبي
مراجعة فيلم كيرة والجن
قبل ما نبدأ ب ريفيو فيلم كيرة والجن، القصة بتحكي عن المقاومة الشعبية
بقيادة كيرة واعوانة وعلى الجانب الاخر بينضم ليهم الجن و بيتجمعوا فى إحدى
العمليات لقتل واحد من الظباط الانجليز ولكن بسبب معين بييجي الظابط هارفي
وبيتم تكليفة بمهمة إنه يقضي على المقاومة دي وبنشوف اية اللى هيحصل ؟
فيلم كيرة والجن هو فيلم ملحمي فى المقام الأول، وعنده كل العوامل من دراما
و شخصيات وكل دة فى اطار تاريخي ومبني على أحداث حقيقية وعلى رواية
1919.
فيلم كيرة والجن على مستوى السيناريو كان ممتاز وكون إنه هو يقدم كل دة فى 3
ساعات كان إنجاز كبير لإنه قدر يعمل بناء درامي لكل شخصية وكل شخصية ليها
حكاية كبداية و نهاية وكبروفايل بشكل عام.
أكيد مش بنفس الاهتمام المصاحبة لشخصيتنا الرئيسية بس دة شئ يحسب إنه يخليك
طول الوقت مهتم بكل الابطال و الشخصيات الموجودين بل كمان بيقدر يخلق ليهم
تحولات و تحولات مهمة كمان فى الاحداث وكمان قدر احمد مراد يخلق ليهم تنويعات
لكل واحد أو واحدة فيهم.
كمان جانب الشر لظابط هارفي كان آكتر من رائع وحاسس من فترة كبيرة إن فيه
شرير واقف على حيله وقادر إنه يوترك منه ويخليك تكرهه ودة هجيلة كمان شوية فى
الأداء التمثيلي.
كمان الاكشن والاهتمام بالتفاصيل التاريخية، الاكشن فى فيلم كيرة والجن كان
آكتر من رائع وكمان كان فيه صعب وكمان كان فيه اجتهاد بدني من الممثلين وكمان
كانت ناجحة فى كل العناصر ومنها كتير آوي اتصورت كما لو كانت لقطة واحدة ودي
حاجة ترجع لمدير التصوير الرائع احمد المرسي.
شاهد أيضاً←
مراجعة فيلم بحبك فيلم العيد 2022.. بطولة تامر حسني وهنا الزاهد
والمونتاج لأحمد حافظ الجامد جدا سواء فى الاكشن أو فى حتى كدرات الفيلم
والتنقل فى الزوايا واختيار الزوايا الصح وغير كدة المكساج والصوت فى الفيلم
دة استثنائي لإن دة خدم الاكشن والاثارة جدا وغير كدة المؤثرات البصرية كانت
ممتازة.
يمكن بس الحاجة الوحيدة اللى كانت مشكلة فى الفيلم هو سرعة الاحداث واحيانا
كان بيحصل قررات أو تحولات سريعة تحس إنها كانت محتاجة شوية وقت واقصد
بالتحديد فى إنه كان بيحصل نط زمني ودي أي مشكلة لازم بيقع فيها فيلم ملحمي
وزي ما قولت مشهد من المؤثرات البصرية فيه مكانتش أحسن حاجة.
إما بقى عن الأداء التمثيلي فالكل قدم أداء فوق الممتاز، كريم عبد العزيز
بيقدم واحد من أفضل أدواره يمكن من ساعة الفيل الازرق الجزء الأول لأن شخصيتة
كمان واخده أكبر وقت من مساحة الفيلم واداءه برز آكثر فى النصف الثاني مع
تحول مش بسيط له فى الاحداث ومش هقدر اقول آكتر من كدة بس الدور دة واحد من
أهم أدوارا كريم عبد العزيز.
شاهد أيضاً←
تحميل مسلسل البيت بيتي كامل برابط واحد مباشر.. ريفيو مسلسل البيت
بيتي
أما عن احمد عز فهو الأداء و الشخصية المفضلة بالنسبالي فى الفيلم وهو بيقدم
أفضل أداء تمثيلي اشوفة له وفيه تنوع واختلاف طلع منه تعابير جديدة علينا منه
و الشخصية كمان مساعدة وكمان هي الشخصية صعبة ومعقدة فى تركبيتها إن مكانتش
اعقد شخصية فى الفيلم وهو أبدع فيه، والكيمياء ما بينهم وبين كريم كانت
ممتازة لدرجة إنهم غطوا فجوة كانت موجودة فى الفيلم أو تحول مهم فى
علاقتهم.
هند صبري اللى كانت متميزة فى دور دولت وبتسجل برضه واحدة من أفضل أدوارها
كعادتها مع مروان حامد، خصوصا لأن مع مروان هند لما بتقدم شخصية بتكون جديدة
عليها وبيبقى تحدي مرة عن مرة واعتقد خطها مع احمد عز واحد من أهم الخطوط
الدرامية للفيلم.
سيد رجب برضه كان جيد جدا خصوصا فى النص الثاني من الفيلم واللى شاف الفيلم
هيفهم قصدي عن أداءه.
شاهد أيضاً←
تحميل فيلم كيرة والجن 2022 جودة FHD برابط مباشر.. بطولة أحمد عز
إما آخر حد هتكلم عنه وهو الممثل البريطاني سام هازلدين اللى زي ما شكرت فوق
فى كتابة الشخصية لإنه بيدينا شخصية شريرة فعلا بجد وهو محقق ذكي وذكاؤه دة
كان مهم جدا فى أحداث الفيلم وتم استغلالها فى الفيلم من غير سذاجة وتهديدة
كان بيتنفذ وهو أبدع فى دة.
طبعا لما كل دة يبقى مكتمل والعناصر دي كلها مكتملة يبقى كل دة للمخرج مروان
حامد، اللى فى رأيي قدم واحد من أفضل افلامه وبصماته طاغية فى الفيلم لدرجة
إن فيه مشهد النهاية فى الفيلم متشابة مع واحد من أحلى افلامه ومش هقول عليه
برضه عشان الحرق وطبعا يحسب له الاهتمام بالتفاصيل الزمنية سواء ديكور،
ملابس، مكياج، الوان وعندي ثناء خاص على مشهد ثورة 1919.
شاهد أيضاً←
مراجعة فيلم أميرة AMIRA الأردني وسبب منعه من العرض
تقييم فيلم كيرة والجن
حصد فيلم كيرة والجن تقييم بعد أول يوم عرضه في السينمات علي تقييم
910.
اعلان فيلم كيرة والجن
