أب يرمي بنته من البلكونة مشهد يثير الجدل
انتشر عبر موقع التواصل الاجتماعي الاشهر«فيس بوك» مقطع فيديو يظهر فيه رجل يرمي بأبنته من البلكونة الفيديو حصل علي مئات الآلاف من المشاهدات منذ الساعات الأولى لنشره.
ظهر في الفيديو طفله تُلقى من بلكونة منزل في مكان ما غير محدد، من رجل يرتدي تيشيرت أحمر اللون، لتكثر التساؤلات عنه، هل هو والدها أم أحد أقرابها أم شقيقها؟.
محاولة إنقاذ طفلة البلكونة
وعندما شاهد أحد سكان المنطقة الرجل الذي يلقي الفتاة، لام عليه وهاجمه وعنفه، فأصبح يدعي بأنها سقطت بمفردها وهو يحاول إنقاذها، ولكن من المثير للجدل، أنه عندما تدخل أهالي المنطقة والجيران لإنقاذها معه كما يدعي، كان يضربها ويعنفها ليعاتبه من حوله عن هذا السلوك الذي يتبعه.
ونشبت مشاجرة كلامية حادة بين الشخص الذي كان يلقى الفتاة من الشرفة، والشخص الذي شاهده وهو يفعل ذلك الفعل المُشين، لتنتهى مدة الفيديو الذي تصل مدته إلى نحو 45 ثانية.
ووفقًا لتعليقات مستخدمي «فيس بوك» عن تلك الواقعة أنهم قدموا بلاغا بالواقعة.
شاهد أيضاً← “فيديو”.. تفاصيل صادمة في قصة مقتل
الطفل صقر نايف المطيري في الكويت
وكانت أبرز تعليقات متابعي رواد «فيس بوك» عن تلك الفيديو، كانت في إطار: «حسبي الله ونعم الوكيل بجد الواحد أعصابه تعبت من اللي بيحصل»، «حسبي الله ونعم الوكيل إزاي يعمل كدا في شهر رمضان»، «دي بنته ولا مراته ولا أخته يخرب بيت التخلف ربنا ينتقم منه».
وأوضح الجيران أن الأب صاحب واقعة إلقاء طفلة من البلكونة هو عامل أرزقي باليومية خاصة في شهر رمضان بجانب أنه سائق: «هو مش بلطجي ده راجل غلبان وبيجري على لقمة عيشه دي الحقيقة ونعرفه من اكتر من 20 سنة راجل محترم».
وعن تفاصيل ما حدث أكمل الجيران، «اليافطة وقعت بيها كان في يافطة وقعت بيها كانت بتنشر في حاجة وقعت منها قالت التندة جامدة عليها بس هي وقعت فابوها كان بيحاول يشدها ويطلعها لفوق هو معملش حاجة ده راجل معاق وعنده 5 عيال المفروض نساعده يصرف عليهم منهم ناس بتشتغل وناس بتدرس هيجيب فلوس منين».
و روت والدة الطفلة بطلة فيديو الأب يلقي بابنته من البلكونة، تفاصيل ما حدث في هذا اليوم، وقالت إن ما حدث كان مشاجرة فلم يرغب الأب في إلقاء طفلته.
والدة طفلة البلكونة: خناقة عادية بين أب وابنته
وقالت الأم عن إلقاء أب ابنته من البلكونة: «اللي حصل حاجة عادية بين أب وبنته هي كانت بتجيب تي شيرت أبوها من على الحبل ملقتهوش واتأخرت فخافت ووقعت، وهو كان بيحاول يطلعها ولكن أبوها مقدرش يجيبها لأنه تعبان فجه جيراننا ساعدونا وطلعوا البنت فوق وشدوها وجرينا وأخدنا البنت».
شاهد أيضاً← التفاصيل
الكاملة لمقتل طالبة الزقازيق سلمى علي يد زميلها بالطعن
محاولات تهدئة الفتاة باءت بالنجاح من الجيران والأم، «شربناها مياه وأبوها قال دي بنتي برضه لازم أكسبها فجابلها تابلت بالقسط عشان يكسبها ومتخافش منه تاني وهزروا وضحكوا مع بعض ومفيش حاجة ده، هو بيحب عياله وبيعمل المستحيل عشان خاطر عياله وأنا بحاول اساعد ببيع مخلل وسجاير في الفاترينة، ومعايا 3 صبيان وبنوتة واحدة هي دي».
الفتاة تحاول التأقلم بعد الصدمة، «هي بتقولي مش خايفة منه ده بابا يا ماما لا مش بخاف منه».
تفاصيل المشكلة بين الأب وابنته
وأكملت الأم: «كان بيزعقلها عشان اتأخرت في أنها تجيب التي شيرت فزعقلها فخافت ووقعت، هو إللي في إيده مش ليه لو في إيده فلوس بيصرفها علينا ومعوش خالص فلوس، لأنه هو على الله أرزقي ومفيش حاجة ثابتة ولا معاش ولا حاجة خالص».
شاهد أيضاً← التفاصيل
الكاملة لمقتل الصيدلي المصري أحمد حاتم على يد سيدة سعودية
وعن طلبات الأم قالت: «محتاجة الناس تقف معانا وتخشلنا فلوس كل شهر عشان نعرف نأكل عيالنا، أنا نفسي يطلع لبيته وعياله ويقعد معانا ومش عايزاه يتشاكل معانا وأول مرة يحصل بالطريقة دي الولاد بيحبوا أبوهم أكتر مني أصلا».
الجدير بالذكر، أن الأب لا يزال محبوسا على ذمة التحقيق.
