recent
أحدث الأخبار

"الحقيقة الكاملة" لمقتل أمنية علاء أم التوأم ضحية حادثة الغسالة

الصفحة الرئيسية

مقتل أمنية علاء أم التوأم ضحية حادثة الغسالة

مؤخراً انتشرت حوادث القتل أو الإنتحار مع تعدد أشكالها وطرق حدوثها، ومن ضمن حوادث القتل التي انتشرت خلال الفترة الأخيرة حادثة أمنية علاء والتي اشتهرت بضحية حادثة الغسالة.

قضية مقتل أمنية ضحية حادثة الغسالة وقعت بالتحديد في مدينة بيلا محافظة كفر الشيخ بتاريخ 2 يوليو 2021، وذلك بعد 45 يوماً فقط من ولادة الضحية لتوأم.

محمود علاء شقيق أمنية ضحية حادثة الغسالة يرصد لكم تفاصيل حدوث الواقعة كاملة:

أختي كانت لسه بتبتدي حياتها وفرحانة بولادها التوأم اللي تعبت جدا في فترة حملهم واستحملت كتير عشان تفرح بيهم والمعروف عنها انها كانت طموحة جدا وشاطرة وعندها أهداف بتسعي انها تحققها بشهادة كل الناس اللي اتعاملوا معاها سواء في السنتر والمدرسة Mansoura college international school.

شاهد أيضاً← فيديو | مقتل المذيعه شيماء جمال رمياً بالرصاص والتمثيل بجثتها

-يعني ايه نصحى الصبح بعد ما كنا معاها من كام ساعة يقولولنا انها انتحرت طب انتحرت ازاي يا جماعة؟؟ يقولوا انتحرت في الغسالة؟؟ غسالة ايه اللي تنتحر فيها ؟هي كانت عروسة لعبة!! هوا فيه حد ممكن يحط راسه في ماية لحد ما يموت؟؟ وكمان عاوزين نستوعب يعني ايه انتحار؟! يعني ايه حد ينتحر؟!

اللي بينتحر هو شخص فاقد الأمل في كل حاجة ووصل لمرحلة من اليأس والبؤس صعب يرجع او يهرب منها، مش قرار عفوي وليد اللحظة.

الزوج وأهله كلهم أقروا في التحقيق بأن هيا كانت كويسة جدا ومذكروش ابدا انها كان عندها أي أعراض بتوحي انها كانت تعبانة.

"الحقيقة الكاملة" لمقتل أمنية علاء أم التوأم ضحية حادثة الغسالة

ولما اضطريت اقعد معاهم بعد الوفاة بحوالي اربع شهور أكدوا عليا نفس الكلام، طب ازاي حد كويس جدا بشهادة الناس اللي حواليه يقرر فجأه انه ينتحر !! ودا كان الواقع فعلا لان لو كانت تعبانة ف ازاى مش هياخدوا خطوة للعلاج ؟!

انا اثناء التحقيق بعد الوفاة فورا (قبل ظهور تعطيل الكاميرات و الفيديو المنشور) لما اتسألت عن حالة امنية قولت انها كانت على غير العادة قبل وفاتها وطبعا كلامي مقابل كلام زوجها واهله لا يساوي شئ لان هما موجودين معاها دايما وانا لسه راجع من سفر دام شهر ونص بسبب الامتحانات.

وكلامي كان بسبب القلق اللي شوفته عليها لما جيت وانها طلبت مني اوديها السويس هيا والأطفال واتفقنا انها هتنزل عندنا يوم السبت بعد ما زوجها يسافر(كلامنا كان يوم الاربع - وفاتها الجمعة - ميعاد نزولها الي اتفقنا عليه كان السبت).

شاهد أيضاً← "التفاصيل الكاملة" لمقتل الطفل أيوب أيمن في مستشفى دار القلب في الاسكندرية

تفاصيل مقتل أمنية علاء أم التوأم ضحية حادثة الغسالة

صحينا يومها الساعة 8 الصبح الباب بيخبط وجارتنا بتقول الحقوا فيه صويت جاي من شقة أمنية اللي بالمناسبة ساكنة في العمارة اللي قصادنا.

طلعنا جري انا ووالدتي لقينا اختي علي الارض قدام المطبخ وكانت اختي ميتة بقالها ساعات وحواليها زوجها وحماتها والست صاحبة شواية السمك الي سبقتنا وطلعت قبل ما احنا نطلع.

أول ما امي شافتها اترمت عليها واترجتها انها ترد بس للأسف مفيش رد هي قاطعة النفس من 6 ساعات او أكتر.

"الحقيقة الكاملة" لمقتل أمنية علاء أم التوأم ضحية حادثة الغسالة

فقدنا أختي في ظروف غامضة مش مفهومة وكنا في دوامة يعني ايه كنا سهرانين معاها ونصحى يقولوا ماتت!!

لما سألت عن اللي حصل قالوا ان زوجها صحي ملقهاش جمبه وقام يدور عليها لقاها في الغسالة!!

شاهد أيضاً← "فيديو".. تفاصيل صادمة في قصة مقتل الطفل صقر نايف المطيري في الكويت

طب عملت ايه لما لقيت مراتك في الغسالة ؟

-اكيد طبعاً دغدغت الدنيا وطلعت مراتك بسرعة، الحقيقة انه قال انه نزل يصوت لأبوه وأمه واللي بالمناسبة ساكنين في الشقة اللي تحته، طب يا سيدي لما طلعتوا انتو التلاتة عملتوا ايه بقي؟

اكيد طلعتوها بسرعة يمكن لسه فيها النفس، الحقيقة برضو انهم مطلعوهاش وسابوها مكانها لحد ما الست بتاعة شواية السمك طلعت وهي الي طلعتها (ويكأن لازم يكون فيه شاهد من برا البيت).

تلاتة معرفوش يطلعوها واللي بالمناسبة أختي كلها علي بعضها 65 كيلو تقريباً.

اخواته الاتنين واللي مُثبت وجودهم في الشقة اللي في الدور اللي تحت في نفس العمارة وقتها مظهروش في المشهد خالص، يعني الناس طلعت على صوت الصويت وهما مسمعوش؟

بالمناسبة هيا ماتت غرقانة (اسفكسيا الغرق) عشان محدش يفكر انها ماتت متكهربه من الغسالة ومكنش فيه غسيل ولا حاجة، يعني مكانتش رايحه تشغل الغسالة أصلا.

بعد ما وصلنا المستشفى مفتش الصحة قال انها ميتة نتيجة اسفكسيا الغرق وان الوفاة حصلت تقريبا من 6 ساعات بسبب التيبس اللي بدأ يظهر على الفم ومن هنا انتقلنا للنيابة عشان يتفتح تحقيق.

وهناك طعنت في طريقة الوفاة وانه لا يمكن حد يغرّق نفسه في غسالة، دي بيئة له سيطرة عليها يعني يقدر يخرّج نفسه منها بسهوله لما يتخنق ويحس ان روحه هتطلع و دا رد فعل طبيعي لأي كائن حي حتي لو وحيد الخلية (و الغريب ان كلامي دا متسجلش في ورق التحقيقات لما شوفته بعدين).

اتقفلت التحقيقات في أول يوم وللأسف متهمناش حد في قتل أختي ودا لاننا مكناش فايقين من الصدمة ومش مستوعبين اننا فقدنا امنية.

شاهد أيضاً← التفاصيل الكاملة لمقتل طالبة الزقازيق سلمى علي يد زميلها بالطعن

النيابة حولت أختي لمستشفى كفر الشيخ العام عشان يتم التشريح والطب الشرعي يفصل في الموضوع.

تقرير الطب الشرعي أخد أكتر من 5 شهور عشان يظهر!

خلصنا مراسم الدفن وابتديت من تاني يوم أدور على الحقيقة.

واللي بدأت بأني عاوز أبص علي تسجيل كاميرات الضرائب العقارية اللي موجودة في الدور الأرضي للعمارة دي والعمارة اللي جمبها كمان (واخدين أربع شقق) والمفاجأة اني لقيت الكاميرات مفصولة من ليلة الحادث.

ودا زود الشك عندي أكتر وابتديت أدور علي مصدر تاني جايب العمارة، لقيت كاميرا على بعد 50 متر واللي ظهر فيها حاجة مريبة جدا زي ما هوا واضح في الفيديو قدامكوا.

اتنين أغراب بيدخلوا العمارة بعد منتصف الليل بشكل غريب وبيخرجوا منها بعد فترة بشكل أغرب والبنت وهي ماشيه بصت فوق علي شقة أختي!

اختي اتقتلت؟؟ اخدت الفيديو وقدمته للمباحث وللنيابة وكأن شيئا لم يكن الرد كان واحد وهو انه دليل لا يرتقي للإستناد عليه لحد ما تقرير الطب الشرعي يطلع!

"الحقيقة الكاملة" لمقتل أمنية علاء أم التوأم ضحية حادثة الغسالة

قولت ماشي لاني متأكد ان التقرير إن شاء الله هينصفنى وخصوصاً بعد الفيديو دا، لما راجعت ملف التحقيقات واللي لقيت فيه حاجات غريبة كان كله تناقضات وكلام وعكسه.

زي ان زوجها لما اتسأل في الأول قال ان مكنش فيه مشاكل وبعد أيام قال ان كان فيه مشاكل قبل الوفاة بعشرين يوم تقريبا.

وزي ان هما قالوا كلهم ان امنية كانت واقفة على الارض، وبعد ايام الزوج غير كلامه وقال انها كانت واقفة علي كرسي ارضي.

وزي ان الشبشب كان موجود قدام الغسالة (الفردتين جمب بعض) واللي فضلوا مكانهم بعد وجود اربع أشخاص في المكان، تفتكروا الشبشب هيفضل مكانه بنفس الشكل دا بعد كل الهرجلة دي.

شاهد أيضاً← التفاصيل الكاملة لمقتل الصيدلي المصري أحمد حاتم على يد سيدة سعودية

وازاي أصلا حد رايح ينتحر هيبقا حريص انه يسيب شبشبه بالتناسق ده؟؟

ويكأن حد كان بيحاول يرتب المشهد على أساس ان المشهد يبان طبيعي بس الموضوع تم بغباء.

وأخيراً التقرير طلع وكانت المفاجأة إن فيه كدمة في الرأس والذراع لكن على كلام الدكتور انها متسببش الوفاة نفسها.

وأنه رجح حدوث انتحار لكن قال ان دا ميمنعش حدوث قتل وساب الباب مفتوح للتحقيقات والنيابة واللي قفلت القضية وحفظتها على ترجيح الطبيب الشرعي!

وطبعا الترجيح ده كان هيتعكس لو تم الاستناد على الفيديو اللي ظهر بعد التحقيقات واقوالنا بأنها جريمة قتل.

وللاسف لا الفيديو ولا اقوالنا تم تسجيلهم في ملف القضية، وطبيعي ان الملف بالشكل ده لو اتعرض على اي حد مش هيرجح حدوث قتل.

طب الفيديو ؟ طب استكمال التحقيقات ؟؟ طب الكدمات اللي التقرير قال عليها؟؟ -وكأن شيئاً لم يكن واتحفظت القضية.

google-playkhamsatmostaqltradent