recent
أحدث الأخبار

10 حاجات لازم تعرفها قبل التسجيل في موقع صندوق الاسكان الاجتماعي

الصفحة الرئيسية

10 حاجات لازم تعرفها قبل التسجيل في موقع صندوق الاسكان الاجتماعي

في البداية وقبل أي حاجة الشروط واحدة وثابتة في المشروعات الثلاثة ( سكن مصر ودار مصر وجنة).

المستندات المطلوبة للحجز هي نفسها في المشروعات الثلاثة ( أقرأها كويس جدا بالترتيب)

استمارة الحجز والاقرار ودي بتكون موجودة في نهاية كل كراسة، ودي بتتطبعها وبتقوم بتعبأة بياناتها كاملة وهتكون ضمن الاوراق التي سيتم رفعها علي موقع صندوق الاسكان الاجتماعي.

الطريقة سهلة ان شاء الله و أي شخص يستطيع أن يسجل بنفسه علي موقع صندوق الاسكان الاجتماعي، والخطوات كلها هتبدأ من يوم ١٥ فبراير.

١ - يوم ١٥ فبراير ٢٠٢٢ الدخول علي موقع صندوق الاسكان الاجتماعي.

٢ - استعراض كراسات شروط المشروعات الثلاثة سكن مصر ودار مصر وجنة وتقرأهم كويس وتشوف الاسعار تناسبك أم لا وهايكون موضح في كراسة الشروط نموذج استرشادي للقسط الشهري في كل كراسة.

ملحوظة : تقدر تستعرض كراسات الشروط بدون تسجيل علي الموقع.

٣ - عجبك سعر المتر والقسط الشهري تبدأ تسدد مقدم الحجز للمشروع اللي نويت تقدم فيه سواء مشروع سكن مصر أو دار مصر أو جنة وطريقة سداد مقدم الحجز هاتكون موضحة في كراسة الشروط سواء تحويل المبلغ من أي حساب لك في أي بنك أو السداد نقدا، أنظمة السداد من هنا.

والمقدمات هي: مقدم حجز سكن مصر٤٠ الف + ٥٠٠ ج مصاريف تسجيل، مقدم حجز دار مصر٦٠ الف + ٥٠٠ ج مصاريف تسجيل، مقدم حجز جنة٨٠ الف + ٥٠٠ ج مصاريف تسجيل.

٤ - بعد سداد مقدم الحجز تبدأ في التسجيل علي الموقع.

٥ - معاك فترة من ١٥ / ٢ الي ٨ / ٣ تسجل علي الموقع وتسدد مقدم الحجز وترفع الاوراق المطلوبة الموجودة في ورقة المستندات المطلوبة للحجز المرفقة.

٦ - ياريت قبل ما تتدفع مقدم الحجز وتقرر تحجز تنزل من بيتك تروح موقع المشروع علي الطبيعة وشوف موقع العمارة اللي انت ناوي تحجز فيها، وشوف المشروع ككل موقعه مميز أم لا (ساعة من وقتك تشوف فيها المكان هتزود أقتناعك بالحجز بعد كده).

٧ - بعد ما تخلص رفع المستندات وتتدفع مقدم الحجز، تريح شويتين وتتابع معانا علشان هانقولك هتختار الشقة ازاي في الحجز.

٨ - كده حضرتك خلصت اول مرحلة في رحلة الحجز من موقع صندوق الاسكان الاجتماعي وباقي المرحلة الثانية وهي حجز الوحدة.

٩ - الكراسة اللي هاتنزل هاتكون غير موضح فيها اتجاه الشقة او موقع العمارة، وقبل كده طالبنا وزارة الاسكان بإرفاق خريطة في الكراسة توضح موقع العمارات في المشروع واتجاه الشقق سواء كانت أمامي ولا خلفي والفيو بتاع الشقق، وده عيب كبير في الاختيار،( كراسة شروط العام الماضي لم يدرج فيها خرائط توضح أماكن العمارات).

١٠ - هحاول جاهدا ان شاء الله بتوضيح مواقع العمارات في المشروعات الثلاثة.

google-playkhamsatmostaqltradent