تدور أحداث الفيلم في ليلة واحدة وهي ليلة إكتمال القمر “قمر 14” وبتحكي عن 5 علاقات عاطفية مختلفة بيجمع بينهم محاولة الصمود والنجاح في مواجهة القيود التي يفرضها المجتمع وتهدد علاقاتهم بالفشل.
أول حاجة بتيجي في بالك وانت بتتابع الفيلم هو التشابه في الإطار العام مع فيلم هيبتا واللي كان من إخراج هادي الباجوري برضو، لكن فيلمنا المرة دي بيحكي 5 قصص حب مختلفة بتجمعهم فكرة الصراع مع المجتمع وبالتالي كان التناول من خلال إستعراض المشكلة بشكل مباشر بدون تعمق في التفاصيل.
تتابع القصص جوه الفيلم كان جيد، لكن يعيبه إن بعض أحداثه افتقدت شوية للمنطقية وكانت محتاجه عناية أكثر علشان تكون مُقنعة كفاية والكلام ده حصل في 3 قصص من ال5 في رأيي.
الفيلم مافيهوش تحديات تمثيلية كبيرة وبالتالي فكان الأداء مقبول بالنسبة للمشاهد في المجمل حتى وإن كان متفاوت لأن زمن الشخصيات على الشاشة مش كبير، كان في موسيقى تصويرية جيدة وتصوير جيد.
