معرض القاهرة الدولي للكتاب 2022.. نصائح مهمة لو أول مرة تروح معرض الكتاب

معرض القاهرة الدولي للكتاب 2022.. 10 نصائح مهمة لو أول مرة تروح معرض الكتاب

نصائح مهمة جدًا لمن يرغب في زيارة معرض القاهرة الدولي للكتاب

1- الليست معاك وتعرف اماكن دور النشر ورتب هتبدأ بأنهى مكان الأول ثم التالى.

2- مهم جداً للبنات بلاش الكعب لأن حرفيًا هتبقي عاوزة تمشي بالشراب أهون.

3- الماسك والكحول معاك دايمًا لأن فى كتب عليها غبار كتير وايدك هتتبهدل والزحمة فى الأماكن زى الدور الحكومية.

4- معظم الدور عاملة خصومات وعروض حلوة جدًا زى الشروق ودون ونهضة مصر وكمان الرواق، حاول تستفيد بالخصومات دى.

5- التذاكر موجودة فى الشباك قدام البوابات ومكنتش زحمة للى مش عارف يحجز او يدفع اون لاين.

6- ضهر الكتاب اهم من اسمه وشكل الكفر بتاعه.

7- كارنيه الجامعة مهم لو هتدخل المركز القومي للترجمة.

8- الأكل هناك اسعاره عالية شوية وللأسف الطعم مش الطف حاجة فحاول تاخد سندوتش او حاجة معاك.

9- اشترى الليست الاول وبعدين ممكن تزود لأنك ممكن تخلص فلوسك فى مكان واحد ومتحسش غير وأنت على الكاشير وبالتالى مش هتشترى باقي الليست بتاعتك من الأماكن التانية.

10- الأسعار فى دور النشر فى متناول ابن صاحب المعرض وصاحب الدار وقرايبهم
الأسعار بتبدأ من الـ 80 ودا الكتاب اللى مش أوى وأنت ممكن تجيب 10كتب أو اقل بـ 1000ج.

11- الترجمات فوق الـ 100 والـ 150 فيما عدا المركز القومي للترجمة كان فى كتب من 13ج للأعلى طبعًا لكنه عامل خصم 50٪ للطلاب الجامعات خاصة وحكومة وكمان طلاب الثانوية العامة فحاول تستفيد بالخصم دا لو عندك حد من الفئة دى ولو مفيش الخصم 25٪ للجميع.

12- الناس اللى بتروح الجمعة المعرض كان زحمة وطابور على الدخول من الصبح لحد الساعة 3 لما أنا دخلت معرفش بعد كدة كان عامل أيه، كتب كتير بتخلص بدرى وكتب مش موجودة.

كيان عاملة خصم بس مش فاكرة كام لكن الرواية قبل الخصم 85ج للواحدة “فى قلبي أنثي عبرية” “غربة الياسمين”.

-أفاق عاملة عروض رواية “الفلاحون والعنبر رقم 6” بـ45 اخذتها بـ30.

-أبهار مش عاملة خصم وأعتقد مفيش عروض لأن السليز اللى هناك مقاليش على أى عروض “جريمة فى القصر الملكى” بـ 65ج و”أجراس السماء” بـ80ج.

-الرسم بالكلمات عاملة خصم “لام ألف” بـ 85ج اخدتها 68ج.

-“صحراء التتار” بـ10ج.

-“مولد أنسان” بـ11.50 و”النبيذة” بـ11.

نأسف علي طريقة سرد النصائح بالعامية لكي تصل إلي الجميع

Scroll to Top