أعلن لاعب منتخب مصر والأهلي المصري سابقاً وبيرميدز حالياً إعتزاله اللعب الدولي مع منتخب مصر وذلك إثر خسارته مع منتخب مصر نهائي بطولة أمم أفريقيا أمام منتخب السنغال في بركلات الترجيح.
حيث كتب عبر حسابه الشخصي تويتر:
١- فى البداية كنت اتمنى ان نرجع بالكاس عشان نفرح كل الناس بعد المشوار الطويل فى البطولة لكن قدر الله وما شاء فعل.
٢- الحمدلله تشرفت بارتداء تيشرت منتخب مصر وتمثيل بلدى لسنين طويله فى كل المراحل السنية ناشئين وشباب لحد ما وصلت للمنتخب الاول.
٣-اشكر كل الاجهزة الفنية والادارية واللاعبين اللى تشرفت بالعمل معاهم فى كل المراحل.
٤- والنهارده اعلن اعتزالى اللعب الدولى مع منتخب مصر الاول بعد كل هذه السنين اللى اتشرفت فيها بتمثيل بلدى مصر.
٥- قرار كنت محضره من قبل البطوله وكنت اتمنى ان نكون ابطالها عشان تكون افضل ختام لمشوارى الدولى لكن الحمدلله على كل حال.
٦- وفى النهايه كل التوفيق لاخواتى اللاعبين والجهاز الفنى الفترة المهمة الجايه وان شاء الله نتأهل لكأس العالم.
أرقام عبد الله السعيد مع منتخب مصر بعد اعتزاله دوليًا لعب 55 مباراة مع منتخب مصر، سجل 6 أهداف دولية، صنع 10 أهداف، شارك مع منتخب مصر في كأس العالم 2018، وصيف كأس الأمم الإفريقية مرتان.
