التفاصيل الكاملة لانتحار موظف شركة Teleperformance – نور الدين عاشور موظف شركة تيليبيرفورمانس مصر.
شركة Teleperformance هي شركة كول سنتر مالتي ناشونال.
نور الدين عاشور هو موظف في شركة Teleperformance والذي كان قد تم استدعاؤه الاسبوع الماضي من طرف مديره المدعو محمد سامح عبدالكريم، وابلاغه بخصم أربعة أيام من مرتبه، وذلك بسبب دخوله دورة المياة ( الحمام ) بكثرة، و حسب شهادة زملائه الموظفين في الشركة فإن نور يعاني من ظروف صحيه تتسبب في دخوله دورة المياة بكثرة.
حسب شهادة أحدي موظفي شركة Teleperformance فإن مدير الشركة قد تحدث مع نور بطريقة مهينة جدا، وكان في تعمد لإجبار نور علي الاستقاله من طرف مستر محمد.
وللاسف نور كان مضطر يستحمل يقعد الفتره دي، لانه هيقبض البونص بتاعه في شهر فبراير اللي جاي.
لكن مدير الشركة (محمد) كان قد أصر علي رفد نور قبل انتهاء السنه، ليحرمه من البونص.
نور كان عامل حسابه علي المبلغ ده في سداد ديون عليه كتير.
وده اللي حصل بينهم، وتم ابلاغ نور بقرار الرفد.
نور ماستحملش ونفسيته كانت منهاره، ومش قادر يواجه مراته واطفاله، واسودت الدنيا في عنيه، وقرر ينتحر بانه رمي نفسه من الدور التالت في الشركه ومات.
“إحنا مش عبيد”.. انهيار زميلة الموظف ضحية “الكول سنتر” نور الدين عاشور تأثرًا بـ”ظروف بيئة العمل المتسببة بالواقعة”
