سيد عبد الحفيظ: خسرنا الدوري الموسم الماضي للاننا لم نتعامل كما يجب مع بعض المباريات و مباراة السوبر جرس إنذار بالنسبة لنا.
سيد عبد الحفيظ : ديانج جاله عرضين قبل كده بس احنا شوفنا انهم ميتنسبوش مع الاهلي وامكانيات ديانج، افريقيا كلها شايفه ان ديانج في حته تانية ويخرج من الاهلي على اوروبا لكن في النهاية احنا مش نادي استثماري احنا نادي بطولات، وعشان مكنش بغير كلامي فيه بعض العروض اللي ممكن تخليك تفكر، يعني مثلا لو ديانج نفسه جاله راتب 3, 4 مليون دولار والاهلي جاله عرض بـ 10 مليون دولار لازم تبدأ تفكر لان لو انت رفضت وقتها اللاعب نفسه هيبقي مضايق.
سيد عبدالحفيظ: تصريحات محمد عادل وكلامه عن الاحتواء يخليك عندك يقين من اللى انت شاكك فيه ، الزمالك فى آخر 22 محليه اتحسبله 14 ضربة جزاء فى المقابل آخر 22 مباراة افريقيه اتحسبله ضربة جزاء واحده.
سيد عبد الحفيظ: تصريحات كارتيرون عن استقرار الاهلي و الصفقات كان غرضها التنويم بس للاسف جيه يبيع المية في حارة السقايين.
سيد عبد الحفيظ: ضربة جزاء الزمالك مفيهاش اي حاجة بس هي جت في مرحلة الاحتواء.
سيد عبد الحفيظ: احتواء محمد عادل للاعيبة الزمالك؟
طب انا مين يحتويني، دا مفكرش وقت اعتراض السولية و طلعلة انذار ومش عايز يبص في عين زيزو.
سيد عبد الحفيظ: على معلول بيتعامل معانا على انه لاعب مصري و وصلنا لمرحلة التوقيع بخصوص تجديدة.
سيد عبد الحفيظ عن علاقته باللاعيبين : اللعبين دول اخواتي أكيد بنختلف في بعض الاوقات لكن هما عارفين كويس جدا اني مش بشيل من حد خالص، مصلحة النادي هي الاهم، حتي لو حد اتاخر ولا حاجة مبيجيش يقولي انت خاصملي ليه، هو اتاخر فبيبقي عارف ان اخر الشهر هيلاقي مخصومله من مرتبه، لكن بنلعب مع بعض والروح ما بينا حلوة، أنا مؤمن جدا بالطاقة الايجابية، الطاقة الايجابية دايما بيبقي ليها مردود حلو جدا، مينفعش العلاقة تبقي علاقة شغل بحت لازم يبقي فيه رصيد، مش هقول عشم لان العشم في الشغل بيبوظ اي حاجة، لكن هقول مساحات لازم يبقي بينك وبين اللاعب مساحة تسمح انك تطلع اللي جواك وعشان اعرف اتعامل معاك.
سيد عبد الحفيظ : أكرم توفيق عنده قلب رهيب وعنده فطرة سليمة وشخصية طيبة وملتزم ومنضبط جدا، مفتكرش ان أنا جيت في يوم وخصمتله حاجة.
سيد عبد الحفيظ : هل صدفه ان مدرب يلعب مع الزمالك 4 مرات يكسب 3 ويتعادل ماتش الزمالك الي رجع فيه ؟ هل صدفه ان مدرب ياخد 3 دوري ابطال 2 منهم مع الاهلي ورا بعض ؟ هل صدفة إن مدرب يخوض مع الأهلى 16 مباراة افريقية ميخسرش غير مباراة واحدة ؟ هل الفوز على الترجى والوداد رايح جاى والزمالك وصن داونز كل ده صدفة ؟ موسيماني عندة حاجات اكيد لكنه مدرب عبقري، الراجل ده مخسرش ولا ماتش كبير معانا.
سيد عبد الحفيظ : الراجل الصح اللي لما يضغط عليه يطلع قرارات صح.
سيد عبد الحفيظ : كنت بفكر نعمل مع اي لاعب جديد انترفيو لان احنا مش سيرك ولاعب جاي يعملي ترقصيتن وفقرة.
سيد عبد الحفيظ : اللي حصل الموسم اللي فات مش هيحصل تاني واللي فات مات , وبعدين محدش إحتوانا خالص.
سيد عبد الحفيظ : من الحاجات الجميله في جمهور الاهلي انك تبقي كسبان خمسه وبرضو مش راضي.
سيد عبدالحفيظ : جهل مُركب اللي بيقلل من فوز الاهلي 5 ، ويقولك اصل لو ابو جبل كان صد الكورة مكنتش دخلت مكنش الهدف دخل طب قول بقي لو ام ديانج مجبتش ديانج مكنش جاب جون ولو ابو علي معلول مجبش علي مكنش جاب جول، لا دا في واحد بيقول احنا كسبنا الشوط التاني كسبنا 3.
سيد عبد الحفيظ : بعد الجون الخامس محمد عادل طبق مشاعرة والكارثه انو قال للمساعدين بتوعه الكلام ده، دي كارثه والله مانشستر يونياتد كان بيلاعب ليفربول وبيلعب علي ارضه وخسران 4 وبوجبا اتطرد عادي الحكم مقالوش بقا انا هطنش الطرد والكلام ده وهحتويك.
سيد عبد الحفيظ : موسيماني دخل بين الشوطين شاط في اللاعيبه علشان النتيجة، وحتي التغييرات اللي الناس بتنتقده فيها كانت علشان المساحات.
سيد عبد الحفيظ : انا كنت موجود في ماتش السته واحد، وضيعت انفراد لسه زعلان عليه لحد دلوقتي.
سيد عبد الحفيظ : اكيد هيجي يوم وهرحل عن الاهلي، لكن لما يجي اليوم لازم أكون راضي عن نفسي، وأنا الحمد لله راض عن نفسي أمام مرايتي.
سيد عبد الحفيظ : من الحاجات اللي هتخليني سعيد لو مشيت بكرا، اني كنت عاوز اوصل دايما النادي الاهلي يبقي هو الاقوي في المنظومه الداخليه هو اهم حاجه مش اللاعب، اقبل جدا ان لاعيب يتدلع عليا مفيش مشكلة لكن هو عارف لو ذودها شوية تيجي هنا قوة النادي مش اللاعب.
سيد عبد الحفيظ : منصب مدير الكرة حاليا وضعه مختلف بالاحداث والزمن عن سابقه في عصر الكابتن طارق سليم او ثابت البطل او حسن حمدي، مبقاش اوضة اللبس بس، في اداور تانيه خارجيه مع السوشيال الميديا الموجوده حاليا مع الضغط اللي بيحصل علي لاعيبتك او اعلامي او لجان مسابقات او حكام فا كل دي بقت من إختصاصتنا.
