طريقة عمل الكرواسون في المنزل
مقادير عمل الكرواسون
– 5 كوبايات دقيق.
– 2 كوباية مياه دافيه.
– نص كوباية زيت.
– ربع كوباية حليب بودره.
– 2 معلقه كبيره سكر.
– 2 معلقه صغيره خميره فوريه.
– رشة ملح.
– زبده للفرد.
– بيضه مع رشة فانيليا للتلميع.
خطوات عمل الكرواسون في المنزل
هناك طبق تسميه بعض النساء بأنه غويط !! بالطبع هذا الطبق سوف نضع به كوبايتين دقيق ونضيف الخميره والسكر ورشة الملح والحليب البودره ونخلطهم كويس مع بعض ياختي انتي وهيه !! لا أعلم كيف أقول الوصفة لكن هذه أفضل طريقة لطرحها.
نضيف المياه بالتدريج ونخلطهم تاني لحد ماتتجانس المكونات مع بعضها.
شاهد أيضاً← طريقة
عمل نوتيلا أوريو تشز كيك في المنزل بطريقة سهلة وبسيطة
نغطي العجينه ونسيبها 10 دقايق عشان تخمر.
بعد ال 10 دقايق نحط الزيت وباقي كمية الدقيق ونعجن العجينه مره كمان لحد ما تبقا طريه و متماسكة.
نقسم العجينة لكورات متوسطة الحجم ونسيبها ترتاح شويه مش عارف ترتاح من ايه لكن صاحبة الوصفة قالت هذا نسيبها ترتاح حوالي٥دقايق.
على سطح مرشوش عليه شوية دقيق نفرد كل كورة من العجينه بالنشابه (أعتقد أنها أداة مختلفة عن النشالة) لحد ما تبقا رقيقه وندهنها بالزبدة.
نحط كور العجين فوق بعضها، ولازم ندهن زبدة بين كل طبقة والتانية.
نفرد كل الطبقات مره كمان بالنشابه لحد ما الطبقة تبقا رقيقة وبعدين نقطعها مثلثات متساوية الحجم.
نضيف الحشو حسب الرغبه ونلف براحه من رأس المثلث من فوق لحد تحت.
نجيب صينيه ونرص فيها الكرواسون.
نخفق (لا أعلم ما هو الخفقان لكن لا دعنا لا نهتم بطبيعة الحال أنتم النساء تعلمون كل كبيرة وصغيرة) نقوم بخفق البيضة مع رشة الفانيليا وندهن بيها الكرواسون ونسيبه نص ساعه يخمر.
نسخن الفرن على درجة حرارة 180 درجة مئوية.
ندخل الصينية الفرن لمدة تترواح من 20- 25 دقيقة، لحد ما يستوي الكرواسون ويحمر وياخد اللون الذهبي.
شاهد أيضاً← “أحسن من الحلواني وتحدي” طريقة عمل البسبوسة في المنزل
نصائح ل ست الكل عشان الكرواسون ينجح معاها
الكرواسون من المخبوزات الحساسه للكميات والمعايير في المقادير، فلازم تلتزمي بالوصفة بالظبط.
اهم حاجه لازم نستخدم نوع زبدة كويس جداً.
المياه واللبن لازم يتضافوا دافيين مش باردين ولا سخنين.
لازم نفرد العجين بالنشابه كويس لحد ما الطبقة تبقا رقيقة.
شاهد أيضاً← طريقة عمل
العاشوراء.. ستندهش من طعمها وبأسهل الخطوات
لازم العجين يخمر مرتين مرة واحنا بنعمله و مره بعد التشكيل.
يخبز الكرواسون بصواني غير قابله للإلتصاق، ومش هندهن الصواني بأي حاجه قبل مانحط الكرواسون عشان العجين بيكون فيه زبده كفايه تمنعه من انه يلزق في الصينية.
لازم نسخن الفرن قبل ماندخل فيه الكرواسون ب 10 دقايق ولازم نحط الصينيه في منتصف الفرن ونتجنب فتح الفرن اثناء التسويه.
