حدث أول أمس بالفعل سقوط ميكروباص من أعلي كوبري الساحل بركابه بشهادة الناس والعربيات والكوبري نفسه ووقوع جزء من السور.
لحد كده حادثة من النوع اللي بنسمع عنه، الغريب والعجيب والمريب ان لحد اللحظة بعد 24 ساعة تقريبا من محاولات البحث لايوجد أثر للميكروباص اللي وقع في النيل واللي عمقه معروف ده مش المحيط يعني ولا ظهرت أي جثة للضحايا والأغرب مفيش أي بلاغات باختفاء أو تغيب أي حد له علاقة بركاب الميكروباص اللي المفروض عددهم 15 أو حتي السواق لدرجة ان بدأ كلام يطلع من عينة من الناس إن دي اشاعة.
وصف هشام الشوبكي كبير غواصي مصر، حادث سقوط الميكروباص من أعلى كوبري الساحل بالفنكوش، متسائلا: “إزاي 14 مواطن وميكروباص وسائق ولا يوجد بلاغ رسمي واحد عن تغيب مواطن”.
وأضاف فى مداخلة هاتفية مع الكاتب الصحفي، سيد علي مقدم برنامج “حضرة المواطن” المذاع على فضائية “الحدث اليوم”: فى حالة سقوط الميكروباص فى النيل فالمسافة التى سيبعدها عن مكان سقوطه 100 متر والميكروباص لن يتحرك من مكانه لأنه هيكون مقلوب والكاوتش لفوق.
وطالب بمحاسبة مقدم البلاغ لما تسبب فيه من إثارة الرأي العام والأجهزة الأمنية.
وعلق الدكتور عباس شراقي، أستاذ الجيولوجيا والموارد المائية، على لغز ميكروباص كوبري الساحل، الذي أثارت تفاصيله المبهمة الرأي العام داخل مصر وخارجها.
وقال “شراقي” عبر صفحته الشخصية بـ”فيس بوك” تحت عنوان غموض ميكروباص الساحل: “تناقلت وسائل الإعلام منذ مساء الأحد حادث سقوط ميكروباص من أعلى كوبري الساحل، وكثرت الأقاويل عن عدد الركاب، ولكن الغريب أنه لا يوجد شاهد واحد على سقوطه، ولا يوجد أي بلاغ عن اختفاء أي شخص، ولم تدل جهود شرطة المسطحات المائية عن العثور على أي شيء”.
وأضاف في سياق تحليله للقضية التي شغلت الرأي العام في مصر وخارجها: نهر النيل ليس عميقا لدرجة أننا لا نستطيع أن نجد ميكروباص وليس صندوق أسود صغير يسقط في أعماق المحيطات ويتم العثور عليه.
يبلغ عمق النهر فى منطقة الساحل أقل من 10 متر، كما أن نهر النيل ليس به تيارات مائية كبيرة لتنقل ميكروباص أو حديد سور الكوبرى بعيدًا.
حيث يبلغ انحدار النهر من أسوان إلى القاهرة حوالى 50 متر فقط خلال حوالي 800 كم، لدينا أجهزة وطرق جيوفيزيقية للكشف عن الأجسام فى قاع النهر أو تحت القاع أين الميكروباص؟.
