هيثم فاروق قال تصريح التاريخ هيقف عنده كتير، بيقول إن محمد صلاح و شيكابالا هما الأفضل في تاريخ مصر و بعدهم أبوتريكة و الخطيب، طب ليه محمد صلاح موجود يا كابتن هيثم قال من الأسباب إنه سجل ١٠٠ هدف في الدوري الإنجليزي اللي الهدف فيه ب ١٠ أهداف في الدوري المصري عشان كده بيتفوق على أبوتريكة و الخطيب اللي سجلوا ١٠٠ هدف في الدوري المصري مثلاً.
السؤال هنا بقى، إيه علاقة إسم شيكابالا بقايمة الأفضل في تاريخ مصر بقى يا كابتن هيثم ؟ إذا كان الخطيب و أبوتريكة سجلوا ١٠٠ هدف في الدوري المصري فعندك شيكابالا فاز ب ٣ دوري سجل فيهم هدف واحد، و لا يكون قصدك إن شيكابالا سجل أهداف في الدوري الإنجليزي مثلاً ؟ و لا أكيد قصدك إنه على مدار ١٥ سنة مع منتخب مصر سجل هدفين منهم هدف في ماتش ودي و هو نفس تاريخك مع منتخب مصر يا كابتن هيثم بالمناسبة رغم كونك مدافع ؟ لأ ماتقولش هاتريك الهاني سليمان بمثابة ١٠٠٠ هدف صح ؟
بالمناسبة France Football لما صنفت أفضل ٣٠ لاعب إفريقي اللي كان موجود من مصر في القايمة الخطيب و أبوتريكة و محمد صلاح و الحضري، قايمة لا فيها شيكابالا و لا فيها هيثم فاروق نفسه.
هيثم فاروق لاعب الزمالك السابق اللي لعب طول تاريخه للزمالك ما لا يتخطي 20 ماتش بين احتياطي و أساسي و اللي متصور مع فرجاني ساسي بعد ما راح الدحيل و رفض انه يجدد لناديه قال في تصريح ليه محمد صلاح و شيكابالا أعظم لاعبي مصر علي مر التاريخ و يجي بعدهم ابو تريكة و الخطيب..
اولا انا عمري ما انتظرت إشادة من زملكاوي لاي لاعب اهلاوي حالي او سابق بس في نقطة غايبة عن الزملكاوية اللي طايرين بالتصريح ده و قربوا يروحوا يسجلوه في الشهر العقاري هو فين حمادة إمام و ابراهيم يوسف و حسن شحاتة و طه بصري و جمال عبد الحميد و حازم امام و عبد الحليم علي من كلام هيثم فاروق يعني عشان خاطر تبروز لاعب تاريخه ابيض زيك يا هيثم تقوم ماسح تاريخ نادي بحاله بلاعيبته التصريح ده لو كان اتقال من لاعب سابق في الاهلي و اتبدل شيكابالا بعمرو سماكة مثلا كنا مسحنا بكرامة اللاعب ده الارض و فهمناه ان اللي انتا بتعمله مش قصف جبهة لنادي منافس علي قد ما هو مسح لتاريخ نادي بنجوم تعبوا و شقيوا لغاية ما بقي اسمه النادي الأهلي عموما التاريخ عمره ما بيتزور يا هيثم الخطيب هو أول لاعب مصري حاز علي جائزة احسن لاعب في افريقيا و بعده محمد صلاح ابو تريكة هو اللاعب المصري الوحيد الحائز علي تاني افضل لاعب في افريقيا تاريخنا و تاريخ لاعيبتنا يدافعوا عن نفسهم انما نجومكم اللي عملوا تاريخ ناديك انتوا بأيديكم بتمسحوا تاريخهم عشان لاعب كل تاريخه سب و وقف و مشاكل و زي ما التاريخ هينصف نجومنا من تدليسكم بردو هيذكر شيكابالا بكوارثه اللي عملها في تاريخ الكورة المصرية
ميدو يداعب هيثم فاروق عبر تويتر:
هيثم فاروق قال ان الجول في البريمييرليغ بعشره من الدوري المصري على كده انا عندي اكتر من ٢٠٠ جول في الدوري المصري.. والله حسام حسن لو سمع الكلام ده ممكن يموتني ويموتك.
مصطفى جويلي عبر تويتر:
عندما يتحدث هيثم فاروق..يصمت الحنجوريه وأصحاب المصالح..انه الصدق بعينه..عشرة سنين ومواقف كثيره..
الكابتن هيثم بدأ مسيرته الرياضية في الأولمبي الإسكندراني كناشئ ومنها إلي فينورد الهولندي 1996، ومنها إلي هيلينبيرغ ومنها إلي أوستيند، ومنها إلي الزمالك وبعدها ملقاش نادي يضمه قعد في البيت من يناير 2002 ليوليو 2002 وراح الإسماعيلي، ومنه للترسانه، ومنه للمصري وإعتزل بعد تاريخ دام لـ 10 سنوات في الملاعب ،
الكابتن هيثم في خلال الـ 10 سنوات دول مع 9 أندية من إجمالي 302 مباراة تم إشراكه في 61 مباراة فقط ! بنسبة مشاركة 20% ! شارك في 4,872 دقيقة من إجمالي 27,180 دقيقة ! يعني نسبة مشاركته بالدقائق 18% من إجمالي الدقائق ! وحقق طوال تاريخه بطولة دوري 00/01 مع الزمالك ! لعب قصاد الأهلي 8 ماتشات خسر منهم 4 وإتعادل 3 ! طوال تاريخه سجل 3 أهداف !
