ما يُسمي دكتور عمرو خيري أستاذ ورئيس قسم العظام بجامعة عين شمس قام بتعذيب ممرض مسن بمعاونة آخرين وطلب منه سجود سجدتين لكلبه!! وفي لفظ آخر طلب منه ان يصلي للكلب ويقول له الله اكبر وليعاذ بالله..
الشخص دا لازم يتعاقب اقصي عقوبة ويكون عبرة لكل شخص بيحاول يستغل منصبه عشان يفتري على الناس بالشكل دا ، الناس دي خطيرة على المجتمع اكتر من اي وباء.
نقابة الاطباء اصدرت بيان وقالت انه هيتم التحقيق معاه وهتعلن عن عقوبته فور انتهاء التحقيق.
قال الدكتور عمرو خيري، رئيس أقسام العظام بطب عين شمس، صاحب واقعة “الممرض والكلب”، إن الفيديو من أوله لآخره عبارة عن هزار ومزاح، متابعًا: “الممرض ده ابني وأخويا ودراعي اليمين من حوالي 25 سنة”.
وأضاف خيري، خلال مداخلة هاتفية مع برنامج “الحكاية” المذاع على فضائية “MBC مصر”، مساء السبت، أن الهزار دارج جدًا عند الجراحين بعد ضغط العمل الذي يتعرضون له، ويمثل حالة تفريغ بعد نهاية العمل، وكل شخص ليه طبيعته في الهزار، مشيرًا إلى أن تصوير الموقف هو استكمال للحالة الهزلية “عشان نشوفه بينا وبين بعضنا، ونضحك عليه”.
وذكر الطبيب أن الواتس آب الخاص به تعرض للقرصنة من قبل أشخاص وابتزوه ماديًا بسبب هذا الفيديو إلا أنه تعامل معهم بشكل عنيف ولم يستجيب لهم فنشروا الفيديو، متابعًا: “الفيديو لم يكن للنشر، واتسرب غصب عني، ولو كل اثنين صحاب اتنشر هزارهم مع بعض البلد هتخرب”.
وتقدم الطبيب باعتذار عن لفظ “اسجد وصلي للكلب”، قائلًا: “اللفظ كان خارج السياق، وأنا راجل حجيت بيت الله، واستحالة اطلب من حد كدة، أنا مش بوذي”.
الفيديو ده سيئ جدا..
سيئ بكل معاني السوء اللي ممكن تتجمع في فيديو مؤذي نفسيا لكل اللي بيشوفه فما بالك بالممرض اللي اتهان وأسرته..
النيابة العامة بتحقق في الفيديو، ووزيرة الصحة شكلت لجنة للتحقيق والطبيب اتوقف عن العمل، والعيادة اللي حصلت فيها الواقعة داخل مستشفى خاص هي كمان اتوقف فيها العمل..
بس هو السؤال..ليه؟
لو الممرض أخلّ بواجبات عمله ففي إجراءات إدارية وقانونية ممكن تتاخد من أول الإنذار الشفوي وصولا حتى للفصل لو كان عمل كارثة..
لكن الإهانة مش احتمال وارد في أي مكان عمل.. الإهانة مش حل لأي مشكلة، ولا رد فعل مقبول على أي تقصير..
وبالمناسبة.. ده مش هزار.. مفيش حد في السن ده ينفع يتهزر معاه كده، إلا لو اتنين متكافئين وقابلين النوع ده من الهزار، لكن ممرض قصاد الدكتور اللي يعتبر مديره، فقبوله مجرد اضطرار علشان أكل عيشه..
