حسن لبيب: باتريس كارتيرون المدير الفني للزمالك هيجدد 3 سنوات قبل بداية الموسم

 حسن لبيب بدأنا إجراءات تجديد تعاقد باتريس كارتيرون المدير الفني للزمالك

حسن لبيب بدأنا إجراءات تجديد تعاقد باتريس كارتيرون المدير الفني للزمالك

حسن لبيب عبر قناة النهار:-

– كارتيرون مدرب ناجح جداً هو ليس أعظم مدرب في العالم لكنه بيحترم المكان اللي شغال فيه وبيعرف يكسب البطوله،مستر كارتيرون عقده بيتراجع وعاوزين استقرار الفريق وهو اللي بيختار الفريق وعاوزين الاستقرار ودلوقتي بنتفق معاه على تجديد تعاقده لمدة ٣ سنوات قادمة قبل بداية الموسم.

– نادي الزمالك بيمتلك ٢حراس على أعلى مستوى ، وجود ٤حراس مرمى مميزين في نادي واحد أمر مش كويس للنادي.

– عندنا ٣ باكات يمين و٣ زيهم شمال و في خط النص ٤ او خمسه وعدد كبير من الناشئين،عندنا مدير فني هو اللي يوزن ويعرف سكواده ايه.
– كارتيرون هو اللي طلب التخلي عن اللاعبين اللي خرجوا هو عاوز ٢ لاعبين،الناس بتقول اننا فضينا الفرقه لكننا اضفنا اوناجم ومصطفى فتحي و رزاق سيسيه هيرجع ويتقيم وبعدين نحدد موقفه.
– عندنا ٨ لاعبين لابد اننا نجد عقودهم وعاوزين مبالغ كبيره للتجديد وكمان لازم نوفر مقدم تعاقد لكل واحد فيهم ، احنا علينا لحد شهر ديسمبر اكتر من ٣٠ مليون جنيه ومينفعش يتقال القضيه دي تتأجل شويه ، احنا حسننا من سمعه النادي في الفيفا ونبين اننا ملتزمين عكس الفتره الماضيه ، احنا كنا ممكن نقاوح واحنا عارفين اننا هنخسر وفالاخر نخسر وندفع فوايد على العقوبه نفسها.
– الزمالك حالياً موقوف من القيد من الفيفا من شهر ٦ الماضي وبنحاول نحلها وكل ده بسبب القواضي علينا والغرامات ، الناس حكمت علينا غلط واحنا مستلمين النادي عليه مشاكل كبيره حرام اللي بيحصل لينا كلجنه والناس مش مقدره.
– الزمالك مطالب بسداد ٦٥ مليون جنيه لاتحاد الكره ، بقول للناس قدامنا شهر ونص ارجوكم سيبونا نشتغل في هدوء عشان اظبط الميزانيه واسلم مجلس الاداره القادم الدنيا مظبوطه،كفايه شتيمه فينا وتجريح لاننا زهقنا.
– اول مره في تاريخ مصر يتم اعاره ناشئ ب ٤ مليون جنيه ، اقسم بالله في وكيل لاعبين اسمه سيد مرعي ابنه كان عندنا قالنا ابني يجيب ٥٠٠ الف احنا اعارناه ب ٢ مليون جنيه نعمل ايه تاني؟
– كابتن فاروق جعفر اقسم بالله اتحمل شتيمه واهانه وهو دوره كبير ومحدش كان هيعرف يمضي عمر كمال عبد الواحد غيره،حسين السيد مشكلته انه صريح واللعيبه لازم تعرف ان في ظابط وحاكم.
– الجهاز الفني بالكامل واخد مستحقاته حتى يوم ٣١ اغسطس الماضي ، احنا مش هيتلوي دراعنا وانا بأقدر كابتن اسامه نبيه ولكننا قولنا ان في مكافئه خاصه بس للاعبين وهما كجهاز عاوزين المكافئه دي واحنا قولنا دي للاعيبه بس،مستر كارتيرون الوحيد اللي خد مكافئه الدوري لان عقده بينص على كده واحنا بنحترم العقد عشان نحافظ على الاستقرار،هما مشكلتهم انهم عاوزين المكافئه دي وانا بقولهم مش هتوصلكوا بالطريقه دي لان محدش هيلوي دراعنا.
Scroll to Top