مصطفي البدري مهاجم الانتاج الحربي ينضم للأهلي مقابل 7 مليون جنيه لمدة 5 سنوات

أعلن أمير توفيق، مدير التعاقدات بالنادي الأهلي عن التعاقد مع اللاعب مصطفى البدري، مهاجم فريق الإنتاج الحربي لمدة خمس سنوات قادمة مقابل 7 مليون جنية. وأضاف أن انضمام مصطفي البدري يأتي وفقًا لرؤية الجهاز الفني للفريق الأول لكرة القدم ولجنة التخطيط، وبالتنسيق الكامل مع الكابتن محمود الخطيب رئيس النادي.

وأوضح أن الساعات الماضية شهدت إنهاء كافة الأمور الإدارية والمالية مع مسئولي الإنتاج الحربي ، في إطار العلاقات الطيبة التي تربط الناديين الكبيرين على أن ينضم اللاعب لتدريبات الأهلي خلال الأيام القليلة المقبلة.

فكرة ان اللاعب يكون متمسك بالاهلي مهما كانت العروض والاغراءات المالية اللي بتوصله وفي نفس الوقت موجود في نادي خلاص هبط للدرجة التانية فكان ممكن يقول هتنقل لاي نادي وخلاص في الممتاز لكن مصطفي البدري قلب الآية دي خالص بإصراره ومكافحته على انه يكون موجود في الاهلي فقط ، حتى لو اللاعب جاي وعارف انه ممكن يخرج اعارة لكن فكرة ان اللاعب عايز بس يكون إسمه مرتبط بالاهلي فا دا شىء عظيم الصراحة ، مصطفي البدري قبل ما يكون لاعب تحسه من صف الجماهير ودا راجع إنه من ناشئين الاهلي ، اللاعب اللي عارف حجم المسؤولية ومدرك اهمية المكان اللي موجود فيه فا دا لاعب يتشال على الراس في الايام دي ، أهلًا يا درش بوجودك في نادي القـرن وبيتك من تاني وبالتوفيق في الاعارة ان شاء الله وترجع بيتك وتكسر الدنيا وتحقق بقيت حلمك.

يمكن خلال آخر 15 سنه مشوفتش لاعب ضحي انه يروح فريق في مصر زي ما عمل وليد سليمان وبعده مصطفي البدري .
إصرار غريب من اللاعب انه يعود للاهلي !!
هتروح الزمالك هتلعب معاهم فريق وممكن تاخد مكان أساسي.
هتروح فاركو او الزمالك تاخد مرتب اعلي من الأهلي بمراحل وبرضو مصمم تيجي الأهلي !!
هتيجي الأهلي مش ضامن تقعد وممكن تطلع اعاره وبرضو اللاعب مصمم يجي .
حتي فترته الأولي معانا اتعرض عليه اضعاف مرتبه من بيراميدز وقالها صريحه هعمل ايه بالفلوس انا عايز المجد .
الانتماء مش لي أولاد النادي ، في لاعيبه بتثبت انتماءها بالتضحيه مش اني ابوس الشعار .
وبعيدا عن انتماء مصطفي ، لكنه اضافه فنيه رائعه لينا ان شاء الله.
مصطفي حاليا لسه بدري عليه لكنك لو سيبته مكنتش هتعرف تجيبه ، والحل الأمثل انك تطلعه اعاره واللي متاكد منه انه هيرجع قريب ان شاء الله.
مصطفي طوال تاريخه لعب “53” مباراه وسجل خلالهم “14” هدف و صنع هدفين مع فرق اقل من المتوسطة ومع ذلك دايما فعال ومؤثر .
Scroll to Top