recent
أحدث الأخبار

تمهيد في الإعلام بإلغاء كاس مصر بعد فوز الزمالك ببطولة الدوري.

الصفحة الرئيسية

الفترة الأخيرة فى تمهيد فى الإعلام أن كاس مصر قد يتم إلغائه .. طبعا ده مكنش هيحصل لو كان الزمالك خسر الدورى

لأنهم كانوا بيراضوه بالكأس بدل ما يطلع بموسم صفري.
كده الاهلي اخد افريقيا ومرشح بأذن الله للسوبر الافريقي والمصرى .. والزمالك اخد الدورى .. وتم تحديد الفرق المؤهله لأفريقيا فطبيعى لا داعى لكأس مصر.
واحقاقا للحق اتمنى ان يتم إلغائها لأنها ستكون موجهه كعادتها وثانيا أن الأهلي. بالفعل محتاج راحه ومش محتاجين نلحم مواسم فى بعضها عشان منقعش فى الاخر.
الاهلي محتاج راحه سلبيه طويله وفتره اعداد مميزه عشان هنلعب فى أكثر من جبهه فبالتالي عايزين نظبط الفريق وربنا يكرمنا فى أكبر عدد من الألقاب بأذن الله.
احنا الاهلي
احنا الاهلي اللي اخدنا ٤٢ بطولة دوري.
احنا الاهلي اللي اخدنا ١٠ دوري أبطال أفريقيا.
احنا الاهلي اللي اخدنا ٣٧ كاس مصر.
احنا الاهلي اللي اخدنا ١١ سوبر مصري.
احنا الاهلي اللي اخدنا ٧ سوبر افريقي.
احنا الاهلي اللي اخدنا كأس الكونفيدرالية الأفريقية لاول فريق مصري.
احنا الاهلي مرتين بروزنية كاس العالم للاندية.
مش بنشجع النادي علشان البطولات اللي انت شايفها دي احنا بنشجع كيان اسمه الاهلي.
يعني مبادئ وقيم وعدل بين اللعيبة
هنفضل ورا النادي لاخر يوم في عمرنا بندعم وبنمشي وراه فين ما يكون
احنا مش زي اي نادي ياخد بطولة او بطولتين ويقولوا اتعشت كده خلاص
احنا معندناش حاجه اسمها اتعشت بطولات
احنا مش بنقف علي بطولة.....
خدنا بطولة خلاص نفكر في البطولة اللي جايه
عقلية النادي الاهلي زي اي فريق في الدوريات الاوروبية
احنا ورا النادي ولو وقع بنفضل ورا لغاية ما يقف علي رجله ويتقدم واحنا في ضهره
ومش بطولة تروح نبعد عن النادي بالعكس الشدة بتقربنا للنادي اكتر من الفرح
وجماهير الاهلي مش زي اي جمهور زياط بيفرح لما تحدف ليهم اي بطولة
ماتش الاهلي الجاي هندعم ونشجع ونقول يلا يا اهلي في كل مكان وزمان

وراك يا اهلي مهما تروح.
google-playkhamsatmostaqltradent