recent
أحدث الأخبار

تقرير حصري شو عن خسارة الأهلي الدوري المصري..علينا تصحيح الأخطاء

الصفحة الرئيسية

انا بشوف دوري مصري من ٣٠ سنة تقريبا و في حاجة في رأيي بتحصل لأول مرة في الـ٣٠ سنة دي.

من يوم ما شوفت الدوري من بداية التسعينات الأهلي خسر الدوري8 مرات.. في ال 8 مرات دي كان دايما المنافس اللي بياخد الدوري كفريق كورة كان بيبقى افضل من الأهلي.. و ده كان دايما بيكون بسبب ان الأهلي في مرحلة انتقالية من جيل لجيل.
حصل ده في بداية التسعينات.. فريق الاسماعيلي اللي كسب الأهلي في الماتش الفاصل في ٩١ كان احسن من الأهلي.. و فريق الزمالك اللي خد دوريين ٩٢ و ٩٣ كان احسن من الأهلي.. بالظبط نفس اللي حصل في بداية الألفينات من ٢٠٠١ لـ٢٠٠٤.
حتى دوري ٢٠١٥ بكل البلاوي اللي حصلت فيه لكن الزمالك كفريق لو ماكانش اقوى من الأهلي فهو مش أضعف منه.
لكن دوري السنادي اللي الأهلي في الطريق انه يخسره ده مابينطبقش عليه اللي شوفته في التلاتين سنة اللي فاتت.. الأهلي في الطريق انه يخسر الدوري و هو فعلا احسن فريق في مصر و بطل أفريقيا مرتين متتاليتين.. و ده عيب انه يحصل من الجيل ده و هنفضل فاكرينهاله.. نقطة سودة كده في تاريخ جيل عمل انجازات كبيرة.
لأول مرة في تاريخنا نمسك درع الدوري كده و نهديه للمنافس باستهتار غريب و تفريط في ماتشات كتير بطرق اول مرة تحصل بالكمية دي في نفس الدوري.
لاعيبة كتير بنحبها غلطت غلطات كارثية ادت بطريقة مباشرة لضياع الدوري.. الا بقى لو حصلت معجزة يعني و الزمالك فرط في الدوري اللي في ايده ده.
وائل رياض عبر فيسبوك نزل الصورة دي..
الجمهور اللي كان طالع بيكوا السما من شهر بالظبط دلوقتي زعلان منكوا جدا.. الدوري ده ماكانش ينفع يضيع بس انتوا ضيعتوه بمنتهى السهولة.
دوري للنسيان صعب التمس عذر ضغط الماتشات و الاوليمبياد و الكلام ده.. النقط اللي ضاعت بسهولة كانت قبل كده اساسا و بنندم عليها دلوقتي..

google-playkhamsatmostaqltradent